PEQIN-Një 32-vjeçar është ekzekutuar në rrugë me armë zjarri mëngjesin e kësaj të hëne në fshatin Gjoçaj të Peqinit. Ngjarja e rëndë është regjistruar rreth orës 08:40, teksa mësohet se viktima është identifikuar si Albi Bashaliu. Report Tv mëson se ai kishte dalë në lagje për të konsumuar mëngjesin dhe më pas është thirrur nga një person për të dalë jashtë dhe aty është qëlluarr disa herë me pistoletë duke ndërruar jetë në vend.
Gazetari i Report Tv, Ronaldo Gjoshi raporton se në vendin e ngjarjes janë gjetur disa gëzhoja, teksa dyshimet janë se në krim kanë marrë pjesë 2 persona, të cilët pasi kanë vrarë 32-vjeçarin i kanë vënë flakën automjetit të tyre, që ndodhej i parkuar pranë lokalit. Më pas janë larguar nga vendngjarja me makinën e viktimës. Për vrasjen e Albi Bashalliut policia ka marrë në pyetje dëshmitarët okular në lokal si dhe anëtarë të familjes Xhahysa.
Pista e hetimit
Pista kryesore e hetimeve është e hakmarrjes, kjo sepse Albi Bashaliu është vëllai i Leonard Bashaliu. Ky i fundit ka ekzekutuar 6 muaj më parë Ylber Xhahysën pas sherrit për gërvishtjen e makinës. Kjo është pista kryesore e hetimeve, e megjithatë, vetë viktima Albi Bashaliu ishte arrestuar në vitin 2017, pasi kishte qëlluar me automatik mbi dy persona. Grupi hetimor nën drejtimin e Prokurorisë vijon punën për zbardhjen e krimit, sekuestrimin e çdo prove të mundshme që shërben për identifikimin e autorëve, ndërsa në vendngjarje mbërriti drejtori i policisë kriminale Tonin Vocaj.
Vrasja e Ylber Xhahysa nga vëllai i viktimës, Leonard Bashaliu
Më 8 qershor 2021 në fshatin Gjoçaj të Peqinit vetëm 500 metra larg vendngjarjes së sotme është vrarë Ylber Xhahysa, ndërsa në pranga është vënë Leonard Bashaliu, vëllai i Albi Bashaliu. Autori dhe viktima kanë qenë të përfshirë në një konflikt 5 vite më parë, pasi Xhahysa i ka gërvishtur makinën Bashalliut. Ky konflikt i vjetër mes bashkëfshatarëve dyshohet se ka çuar në hasmëri mes familjeve, ku tashmë shënohen 3 viktima. Aktualisht 36-vjeçari Leonard Bashaliu është në burg ku vuan dënimin për vrasje.
Dëshmia e dëshmitari kyç
Një prej dëshmitarëve kyç në vendin e ngjarjes, Sami Bashaliu, pronari i lokalit pranë së cilit ndodhi ngjarja ka rrëfyer se kanë qenë 2 persona, që e prisnin në një makinë me xhama të zinj dhe aspo 32-vjeçari ka parkuar makinën e kanë qëlluar. Ai ka rrëfyer se autorët ishin të veshur metë zeza dhe me maskë COVID. Pasi e kanë qëlluar, shprehet dëshmitari, janë siguruar që Bashaliu ka vdekur, më pas i kanë marrë çelësat e makinës viktimës dhe janë larguar nga vendngjarja. Ndërkohë, makinën e tyre e kanë djegur.
Pamje nga vendi i ngjarjes
Viktima Albi Bashaliu.
Gazetari i Report Tv, Ronaldo Gjoshi ka marrë në një intervistë ekskluzive një prej dëshmitarëve kryesor, pronalin e lokalit për ku ishte nisur Albi Bashaliu. Sami Bashaliu, i afërm i viktimës tregon se autorët kanë qenë të veshur me të zeza dhe me maskë COVID, e ndërsa shprehet se pasi e kanë qëlluar 2 herë me pistoletë, autorët kanë shkuar dhe e kanë kontrolluar nëse 32-vjeçari kishte vdekur.
Si ndodhi ngjarja?
Ngjarjen nuk e pamë, unë isha brenda, ngjarja ndodhi në rrugë, një makinë ishte parkuar këtu afër punës sime, me targa tona, ishin xhamat e zinjë dhe nuk dukej njeri brenda.
Nuk patë ndonjë lëvizje të dyshimtë?
Jo asgjë, kishte ardhur për të pirë kafen në mëngjes, sa zbriti e qëlluan, ishin veshur me të zeza, me maska COVID, ishin çuna të rinj, një doli me pistoletë, ishin 2 veta, u frikësuam të gjithë, viktima është njeriu imë, unë desh dola se viktima është njeriu im, më thanë 'futu brenda zotri', ai që kishte pistoletën më tha, kjo është rrugë kryesore,
Ikën menjëherë?
Bënë vrasjen, një e gjuajti dy herë, pastaj e kontrolloi, dhe i quajti dy herë, i mori çelësat dhe mori çelësat e makinës, dhe ndezi makinën e viktimës, kur e ndezi, i vuri benzinën makinës së tyre dhe u larguan, ikën qetë e qetë.
Si e njihnit Albin?
Ishte punëtor, djalë i mirë, ka qenë i sëmurë, m'u dhimbs, s'kam fjalë
Dyshimet?
Nuk e di, unë kam qenë në punë
Drejtori i Departamentit të Policisë Kriminale në Policinë e e Shtetit, Tonin Vocaj ka mbërritur në vendin e ngjarjes, pas ekzekutimit të 32-vjeçarit Albi Bashaliu.
Report Tv ka siguruar foton e viktimës, Albi Bashaliu. Postimi i tij i fundit është ndërrimi i fotos së profilit ku kishte vendosur fëmijët.
Report Tv mëson se Albi Bashaliu është vrarë ku vëllai i tij, Leonard Bashaliu vrau 6 muaj më parë Ylben Xhahysën pas sherrit për gërvishtjen e makinës. Ndërkohë, pak metra më tutje është gjetur dhe makina e djegur e viktimës.
Report Tv ka siguruar pamje të vendit ku u ekzekutua 35-vjeçari Albi Bashaliu. I riu u ekzekutua sot rreth orës 08:40, ndërsa autorët kanë djegur edhe automjetin e tyre dhe u arratisën me makinën e viktimës. Pistë dyshimi për vrasjen dyshohet hakmarrja, pasi vëllai i viktimës është në burg për një vrasje të kryer në qershor të këtij viti.
Leonard Bashaliu
Report Tv ka mësuar se viktima nga atentati i sotëm është identifikuar si Albi Bashaliu. Ai është vëllai i Leonard Bashaliu, dhe ky i fundit ndodhet në burg i dënuar për vrasje. Dyshohet se vrasja e sotme ka ndodhur për hakmarrje.
Komente
Lajme të tjera
-
Zyrtare/ Bruno Telushi pa ekip, AF Elbasani konfirmon largimin
24 Dhjetor, 11:48 -
VIDEO/ Reshjet e dëborës zbardhin Elbasanin dhe Voskopojën! Pamje spektakolare nga Parku Kombëtar i Qafë-Shtamës
23 Dhjetor, 17:55 -
Aksident në aksin ‘Librazhd-Prrenjas’, makina përplaset me kamionin, humb jetën shoferi i mjetit
21 Dhjetor, 08:50 -
Dy aksidente me vdekje në Durrës e Librazhd, dy të rinjtë humbin jetën pas përplasjeve me kamionët (VIDEO)
21 Dhjetor, 07:09 -
Aksident në aksin Tiranë-Elbasan/ 2 makina përplasen me njëra tjetrën
20 Dhjetor, 14:17 -
Trafikonin kanabis me postë nga SHBA e Tajlanda në Shqipëri, kamuflohej mes makaronave aziatike! 3 të arrestuar, 3 në kërkim (EMRAT+VIDEO)
19 Dhjetor, 11:44
-
Aksident në aksin Librazhd-Prrenjas/ Makinat përplasen me njëra-tjetrën, njëra përfundon e kthyer përmbys
18 Dhjetor, 14:31 -
Në kërkim për 'Masakrën e Bradasheshit’ më 2018 me 3 të vrarë, GJKKO pezullon me 1 vit gjyqin ndaj Mikael Qosjas! Dyshohet se fshihet në Spanjë
18 Dhjetor, 13:58
-
I dënuar me 22 vite burg për vrasje, Altin Kodra futet në Regjim të Posaçëm për 1 vit
16 Dhjetor, 17:08 -
‘Veri jug’ në Peqin, qyteti i gjelave të detit, fermeri: Si këta nuk gjen askund në Shqipëri
15 Dhjetor, 15:40
-
Aksident në aksin Tiranë-Elbasan/ Kamioni përplaset me makinën, 2 të plagosur
14 Dhjetor, 16:15 -
Vrasja e Fatjon Bicit në Gramsh, ekzekutohet vendimi, 2 autorët që ishin në arrest shtëpie shkojnë në burg
13 Dhjetor, 12:40
Te vrasesh njeriun per nje gervishje makine,tregon qe nuk je mire menderisht
PërgjigjuDhe Rama kerkon qe makinat te nderojne pronar,pa u kontrrolluar me pare!Keta kokedru po shkojne ne gjakmarrje per nje gervishtje makine,jo me te kete makina te tjera probleme teknike.Le te shohim nese pronari do te gjeje guximin t'i jape policise qofte edhe nje identikit te pjesshem te vrasesve(syte,meqe kishin maske),shenja te tjera trupore qe mund t'i kujtohen menyra e ecjes,mosha,etj.Cdo hollesi sa do e vogel, ndihmon.
PërgjigjuPer nje te gervishur u vrane! Kurre nuk kam degjuar ne perendim qe dy shqipetare te vriten per nje te gervishur makine, kjo ndodhe vetem ne Shqiperi. A e dini pse?
PërgjigjuNe te semes dhe grekofilet e tjere ????????????????????????????????
PërgjigjuPer nje te gervishtur makine iken 2 jete dhe kushedi se sa te tjera do ikin.
PërgjigjuJeni te vegjel me duket se skeni degjuar per veshgjatet e peqinit... Atje ka per borxh me u djeg nga sedra robi... Pupupu o robi ton...