LEZHË- Një krim i rëndë në familje ka ndodhur mbrëmjen e sotme në Lezhë, ku ish-dhëndri ka vrarë me armë zjarri ish-vjehrrin dhe kunatin.

Policia njofton se në fshatin Grykë Zezë, Besnik Pjetri ka vrarë me armë zjarri Pjerin Perjaku dhe Gent Perjaku (babë e birë) tek banesa e tyre, për shkak të një konflikti familjar.

Autori i dyshuar ka qenë pjesë e asaj familje, ish dhëndër i tyre dhe konflikti dyshohet se ka ardhur pas divorcit mes çiftit.

Uniformat blu bëjnë me dije se janë ngritur pika kontrolli si dhe po bëhet krehja e zonës me qëllim lokalizimin dhe kapjen e autorit të identifikuar si Besnik Pjetri.

Grupi hetimor në vendngjarje vazhdon punën hetimore për zbardhjen e plotë të rrethanave të ngjarjes,

Rendit zhvillimet sipas orarit:
Ora 00:00
Lezhë/ Autori shkoi në shtëpinë e ish-vjehrrit dhe vrau babë e bir, Report Tv sjell foton nga vendi i ngjarjes

1661810539_Screenshot20220829235842.jpg

Report Tv ka sjellë pamje nga vendi i ngjarjes ku u regjistrua vrasja e dyfishtë. Autori Besnik Pjetri u ka shkuar në shtëpinë e ish-gruas së tij dhe pas një konflikti ka nxjerrë armën dhe vrau ish-vjehrrin Pjetër Përjaku dhe Gent Përjakun, ish-kunatin e tij.

B.K./Shqiptarja.com

Ora 23:54
U vranë nga ish-dhëndri, kush janë viktimat, babë e bir (EMRAT)

1658520682_Screenshot2.jpg

Report Tv ka mësuar se si pasojë e të shtënave me armë sot në Lezhë ka mbetur I plagosur Pjetër Përjaku dhe Gent Përjaku (bab e bir ). Autori I dyshuar është ish dhëndri i tyre, Besnik Pjetri i shpallur në kërkim.

B.K./Shqiptarja.com