BULQIZË- Një ngjarje e rëndë u regjistrua mbrëmjen e djeshme (26 nëntor) në qytetin e Bulqizës , ku mbeti i vrarë Elidon Basha, 22-vjeç. Ajo që nisi si gjueti mes dy të rinjve, Klodian Kolës dhe Elidon Bashës përfundoi në vrasjen e këtij të fundit me anë të një kallashnikovi. Ngjarja ndodhi në rrugën Fushë Bulqizë - Kodër Dane rreth orës 23:30 të mbrëmjes së djeshme. Pas rreth 24 orësh policia ka arritur të zbardhë dinamikën e ngjarjes si dhe ka arrestuar Klodian Kolën, 27 vjeç për vrasje nga pakujdesia. Nën hetim janë dhe prindërit e Kolës pasi kanë fshehur provat, armën e gjahut, motorin që udhëtonin të rinjtë dhe rrobat e gjakosura të viktimës.
"Rreth orës 23:30 të mbrëmjes së djeshme, në një kodër të fshatit Fushë Bulqizë, shtetasi K. K., së bashku me shtetasin E. B., në rrugën Fushë Bulqizë - Kodër Dane, dyshohet se kanë qenë duke gjuajtur me armë gjahu çifte. Dyshohet se nga pakujdesia shtetasi K. K. ka plagosur shokun e vet, shtetasin E. B., 22 vjeç, i cili ka humbur jetën rrugës për në spitalin e Tiranës", njofton policia.
Por fillimisht Kola ka mohuar të ketë vrarë shokun e tij dhe në polici ka deklaruar se janë qëlluar nga persona të tjerë. Pas ngjarjes, të riut i janë bërë 4 orë sorollatje nga spitali në spital. Report Tv mëson se 22-vjeçari Elidon Basha ka marrë plagë në krahun e djathtë, poshtë supit. Ai është paraqitur në spitalin e Bulqizës rreth orës 23:00 ku mori ndihmën e parë, por duke qenë se në këtë spital nuk ka kirurg u nis drejt spitalit të Peshkopisë. Gjendja shëndetësore e Bashës u përkeqësua, dhe nga spitali i Peshkopisë u nisu rreth orës 02:00 drejt Tiranës për mjekim më të specializuar, por fatkeqësisht ka ndërruar jetës rrugës për shkak të gjakderdhjes.
Uniformat blu kanë sekuestruar disa materiale si arma e gjahut, kallashnikovin, një armë sportive elektrik dore dhe motorin me të cilët të rinjtë kishin dal për gjah. Ndërkohë edhe prindërit e dy të rinjve janë nën hetim pasi kanë fshehur provat e ngjarjes. Mësohet se ata kanë fshehur rrobat e gjakosura që i kishte veshur Elidon Basha mbrëmjen e djeshme, kishin çmontuar një prej armëve të gjahut që përdorte Klodian Kola si dhe fshehjen e motorit që udhëtonin të rinjtë.
Materialet hetimore në ngarkim të autorit të dyshuar dhe prindërve të tij i kaluan Prokurorisë për veprime të mëtejshme për veprat penale në ngarkim të Klodian Kolës " Vrasja nga pakujdesia", "Armëmbajtje pa leje","Prodhimi dhe mbajta pa leje e armë të gjuetisë", "Drejtimi i mjetit në mënyrë të pa rregullt", dhe ndaj prindërve të tij për veprën penale "Veprime që pengojnë zbardhjen e së vërtetës".
Autori Klodian Kola, viktima Elidon Basha dhe kallashnikovi me të cilin u vra 22-vjeçari
Policia ka zbardhur ngjarjen e ndodhur mbrëmjen e djeshme në qytetin e Bulqizës ku mbeti i vrarë Elidon Basha. Blutë vendosën në pranga Klodian Kolën, shokun e 22-vjeçarit pasi ky i fundit ishte ai që e qëlloi me kallashnikov.
Policia e ka cilësuar këtë ngjarje si vrasje nga pakujdesia teksa dy të rinjtë kishin dalë për gjah mbrëmjen e djeshme. Në cilësinë e provës materiale janë sekuestruar disa armë, kallashnikovi, një armë gjahu, një armë sportive një gjerdan me fishekë një elektrik dore si dhe disa rroba me njolla gjaku që i kishte veshur viktima.
Gjithashtu nën hetim janë dhe prindërit e Klodian Kolës, H.K. dhe M.K. pasi kanë bashkëpunuar për fshehjen e provave dhe pengimin e hetimit mbi këtë ngjarje. Mësohet se prindërit e të riut, kanë fshehur motorin me të cilin udhëtonin viktima edhe autori mbrëmjen e djeshme, rrobat me njollat e gjakut si dhe kanë çmontuar armën e gjahut që përdote Klodian Kola.
Materialet hetimore në ngarkim të autorit të dyshuar dhe prindërve të tij i kaluan Prokurorisë për veprime të mëtejshme për veprat penale në ngarkim të Klodian Kolës " Vrasja nga pakujdesia", "Armëmbajtje pa leje","Prodhimi dhe mbajta pa leje e armë të gjuetisë", "Drejtimi i mjetit në mënyrë të pa rregullt", dhe ndaj prindërve të tij për veprën penale "Veprime që pengojnë zbardhjen e së vërtetës".
Familjarët e 22-vjeçarit Elidon Bashës nuk kanë pranuar që autoritetet të bëjnë autopsinë e plotë.
Prokurori pasi ka bërë këqyrjen e trupit të viktimës ka vërejtur që plumbi që ka kapur në shpatull 22-vjeçarin nuk ka prekur organe jetësore.
Për këtë ka kërkuar nga familjarët që të firmosin një deklaratë që nuk kanë pranuar autopsinë e plotë të viktimës.
Pas firmosjes së deklaratës për mosbërjen e autospisë, familjarët kanë tërhequr trupin.
Ndërkohë hetimet vijojnë në dy pista atë të vrasjes nga pakujdesia dhe asaj të vrasjes së qëllimshme ku kryesorja është ajo e vrasjes pa dashje.
Klodian Kola, 27-vjeçari ka mohuar që të ketë qëlluar aksidentalisht shokun e tij, Elidon Basha. Sipas dëshmisë së tij, që Report Tv e disponon, Kola ka deklaruar se i kanë qëlluar.
4 orë sorollatje i janë bërë të riut në qytetin e Bulqizës, i cili u qëllua aksidentalisht nga shoku i tij, e për pasojë humbi jetën. Report Tv mëson se 22-vjeçari Elidon Basha është paraqitur në spitalin e Bulqizës rreth orës 23:00 ku ka marrë ndihmën e parë, por duke qenë se në këtë spital nuk ka kirurg është nisur drejt spitalit të Peshkopisë. Gjendja shëndetësore e të riu është përkeqësuar, dhe nga spitali i Peshkopisë është nisur rreth orës 02:00 drejt Tiranës për mjekim më të specializuar, por fatkeqësisht ka ndërruar jetës rrugës.
Report Tv ka siguruar foton. Ky është Klodian Kola, 27-vjeçari i cili ka qëlluar aksidentalisht shokun e tij, Elidon Basha teksa ishin për gjah. 22-vjeçari fatkeqësisht ndërroi jetë teksa po dërgohej me Urgjencë në spitalin e Tiranës.
Ky është 22-vjeçari Elidon Basha, i cili u qëllua aksidentalisht nga shoku i tij, Klodian Kola.
Policia ka dhënë detaje të reja lidhur me ngjarjen e rëndë të regjistruar në qytetin e Bulqizës, ku ka humbur jetën një 22-vjeçar.
"Dyshohet se e plagosi me armë gjahu aksidentalisht shokun e tij, i cili humbi jetën, shoqërohet në Polici 27-vjeçari.
Rreth orës 23:30 të mbrëmjes së djeshme, në një kodër të fshatit Fushë Bulqizë, shtetasi K. K., së bashku me shtetasin E. B., në rrugën Fushë Bulqizë - Kodër Dane, dyshohet se kanë qenë duke gjuajtur me armë gjahu çifte. Dyshohet se nga pakujdesia shtetasi K. K. ka plagosur shokun e vet, shtetasin E. B., 22 vjeç, i cili ka humbur jetën rrugës për në spitalin e Tiranës.
Menjëherë pas njoftimit të marrë u ngrit grupi hetimor për zbardhjen e ngjarjes. Falë veprimeve të para hetimore, nën drejtimin e Prokurorisë, u gjetën dhe u sekuestruan në cilësinë e provës materiale arma e gjahut, një elektrik dore, motomjeti me të cilin këta shtetas kishin shkuar për gjueti dhe sende të tjera të vlefshme që do t’i shërbejnë zbardhjes së ngjarjes.
Shërbimet e Policisë kanë shoqëruar në Komisariatin e Policisë Bulqizë, shtetasin K. K., 27 vjeç, për veprime të mëtejshme hetimore. Nën drejtimin e Prokurorisë, strukturat hetimore të Drejtorisë vendore të Policisë Dibër vijojnë punën për zbardhjen dhe dokumentimin e plotë të ngjarjes", njofton policia.
Detaje të reja kanë dalë në dritë nga vrasja e të riut në Bulqizë. Nga burimet e Report Tv, mësohet se 22-vjeçari është qëlluar aksidentalisht nga shoku i tij me të cilin ishin së bashku për gjah.
Report Tv mëson se i riu i cili është vrarë në orët e para të mëngjesit të kësaj të premte është Elidon Basha.
Komente
Lajme të tjera
-
Lufta/ Vrasja e gjeneralit të armëve bërthamore Kirillov, arrestohet 29-vjeçari uzbek, i dyshuar edhe një person i dytë! Moska: I rekrutuar nga Kievi!
18 Dhjetor, 08:18 -
Bulqizë/ Reshje të dendura shiu, bëhet e pakalueshme rruga që lidh dy lagjet e qytetit! Banorët heqin këpucët për të kaluar (VIDEO)
15 Dhjetor, 11:51 -
Durrës, 33-vjeçari u gjet i vdekur në kanalin e ujërave të zeza, arrestohet pas 8 ditësh shoku! E hodhi nga ura dhe fshehu krimin: S'doja ta vrisja, më ngacmonte gruan! (EMRAT)
10 Dhjetor, 19:41 -
Ekzekutimi i biznesmenit Ardian Nikulaj, Prokuroria e Lezhës çon në gjyq portugezin Ruben Saraiva! Vrasja për gjakmarrje! Veçohet dosja për 4 të tjerët (VIDEO)
6 Dhjetor, 13:33
-
EKSKLUZIVE/ Djali iu vra me thikë 9 muaj më parë në Fier, prindërit e Greit mes lotësh: S’lejojmë askënd të përdhosë gjakun e tij, duam drejtësi! Ishte drita e shtëpisë
5 Dhjetor, 14:44
-
'Moho, Mbro, dëshmo!' Tri fjalët e shkruara në plumbat e ekzekutorit të Brian Thompson! Shefi ekzekutiv i kompanisë “UnitedHealthcare” dyshohet se u vra për hakmarrje
5 Dhjetor, 13:13 -
SHBA/ 27 vjeçarja shqiptare vrau burrin me armë dhe më pas veten, vëllai i viktimës: I zbuloi tradhtinë, Pajtimi donte të divorcohej
3 Dhjetor, 09:08 -
Itali/ Vrasja e Van Koxhës pas sherrit në Marghera, Gjykata lë në burg 2 shqiptaro-maqedonasit e arrestuar: Nuk e bëmë ne! (EMRAT)
2 Dhjetor, 13:15 -
Tiranë/ 50-vjeçari ekzekutohet brenda lokalit 'Kështjella'! Autori i dyshuar kunati i Altin Hajrit, pronar i 'Golden'! Viktima kishte punuar si menaxher i kompleksit ku u rrëmbye Jan Prenga (EMRAT+VIDEO)
1 Dhjetor, 15:54 -
E rëndë në Greqi/ 46-vjeçari shqiptar vret gruan me thikë, vihet në pranga! Plagoset edhe djali, tentoi të shpëtojë të ëmën (FOTO)
1 Dhjetor, 11:19 -
Reshjet e dendura të dëborës në Rrugën e Kombit dhe Bulqizë, policia apel shoferëve: Pajisuni me zinxhirë dhe goma dimërore, asnjë aks rrugor i bllokuar
30 Nëntor, 16:30 -
Turizmi i bardhë, nis sezoni i skive në Dardhë të Korçës! Lëvizja e mjeteve vetëm me goma dimërore! Reshjet e dëborës në 'Rugën e Kombit', policia apelon: Pajisuni me zinxhirë
30 Nëntor, 08:59
Ah prinder,prinder!Kur thuhet se shume dashuri te vret,ky eshte shembulli klasik.S.d.q. shqipot jane unik per shume gjera,nje nga keto,perdorimi i kallashnikovit ne gjueti.Po prokuroria ia morri nga gishtat mbetjet e grimcave te barutit ?
PërgjigjuBajgëri e gjallë shtazësh neandërtalë. Tani natyra ne ate pjese do qetesohet. Lepujt, sorkadhet e dhelprat do jetojnë të qeta.
PërgjigjuE ka mare per keter mesiguri.
PërgjigjuCubat e malcise
PërgjigjuKta o kushin dal me bo ndonje vjedhje gjekundi dhe e vran o kjo historia e gjuetis esht histori e konsumuar cudi si e ka ngren policia
PërgjigjuKjo është një 1000% e vertet, famimilja nuk pranon autopsi e drejtësia hesht....
Karma is bitch!!
Përgjigjucfar mund te ket ber nje 23 vjecar per te merituar vdekjen?egersirat e mutit
Përgjigju