Vrasja në Kavajë, dyshohet për hakmarrje! Vëllai i viktimës u vra në muajin mars pas një konflikti banal

Arjan Gosa mbeti i vrarë ditën e sotme në Kavajë pasi një person e qëlloi me armë zjarri. Shkak i vrasjes dyshihet se është hakmarrja, pasi i vëllai i tij, Edmond Gosa u vra në muajin mars të këtij viti bashkë me Altin Rexhën. Por si ndodhi ngjarja?

Një konflikt banal më 29 mars të këtij viti çoi në vrasjen e Edmond Gosës, alias Armand Gosa, dhe Altin Rexhës, alias Sali Rexha, në Kavajë. Ata kanë pasur një konflikt disa ditë më parë dhe më 29 mars ata u takuan rastësisht në një lokal, ku teksa u përpoqën të sqaronin sherrin, situata degradoi deri në vrasje.

Pyetja 'Pse më sheh ashtu' nga Edmon Gosa ka irrituar Altin Rexhës, i cili ka marrë thikën dhe ka plagosur Edmond Grosën. Më pas ky i fundit i është kundërpërgjigjur me armë, duke e lënë të vdekur Altin Rexhën, por edhe vetë Edmond Gosa humbi jetën nga plagët që mori nga plagosja me thikë. Fisi Gosa mbahen edhe si “të fortët” në Kavajë. Në momentin që Gosa ka qëlluar me armë, në vend ngjarje ka qenë edhe fëmija i Altin Rexhës, i cili ishte futur në një dyqan.

Armand Gosa nuk ishte figurë e panjohur për drejtësinë pasi ishte përfshirë edhe më parë në një ngjarje kriminale. 10 vite më parë po në qytetin e Kavajës,  së bashku më vëllain e tij Arjanin, i cili mbeti i vrarë sot, masakruan me thika një person në vitin 2012. Viktima Gentjan Gjuzi humbi jetën pak muaj më vonë në spitalin e neurokirurgjisë. Sherri në atë kohë lindi për një vajzë. dhe solli për pasojë humbjen e jetës së babait të dy fëmijëve, 41-vjeçarit Mentor alias Gentjan Gjuzi.

Lajmi kryesor:

Vritet me një plumb në kokë 48-vjeçari në Kavajë, u qëllua në lokal teksa ishte me babanë, shkak hakmarrja! Identifikohet autori, policia 10 mijë euro shpërblim për kapjen e tij

SI.E./Shqiptarja.com

TAG:
• Habib rexha
• Edmond Gosa
• Altin Rexha
• Arian Gosa
• kavaje
• vrasje
• Tirane