POP 5

Lajmet më të lexuara të 5 minutave të fundit

Kronikë

Vrasjet e 7 grave emigrante në Qipro, jep dorëheqjen Ministri i Drejtësisë

Protestat dhe thirrjet publike të bëra në Qipro për shkak të vrasjes së shtatë grave kanë bërë që Ministri i Drejtësisë në vend të japë dorëheqjen.

Vrasjet e 7 grave emigrante në Qipro, jep dorëheqjen Ministri i Drejtësisë

Protestat dhe thirrjet publike të bëra në Qipro për shkak të vrasjes së shtatë grave emigrante, një rast që nuk u zbulua për tre vjet kanë bërë që Ministri i Drejtësisë në vend të japë dorëheqjen.

“E informova Presidentin e Republikës se po jap dorëheqje për shkak të ndjeshmërisë politike”, tha ministri Ionas Nicolaou para gazetarëve.

Nicolaou dorëzoi dorëheqje te presidenti i Qipros, Nikos Anastasiades, i cili tha se Nicolaou nuk ishte përgjegjës për rastet, por dha dorëheqje për shkak të “ndjeshmërisë politike” të tij.

Oficeri ushtarak grek Nikos Metaxas, 35-vjeçar, ka pranuar se ka vrarë shtatë gra të huaja, përfshirë edhe dy vajza.

Ai u arrestua më 14 prill në një hetim për vrasje të nisur pasi 39-vjeçarja Mary Rose Tiburcio nga Filipinet u gjet e vdekur në perëndim të Nicosias.

Janë gjetur mbetjet mortore të katër grave ndërsa policia ende po kërkon kufomat e tre viktimave tjera.

Në mesin e viktimave ishin shtetaset nga Filipinet Arian Palanas Lozano dhe Maricar Valdez Arquila, shtetaset rumune Livia Florentina Bunea dhe vajza e saj 8-vjeçare Elena, shtetasja nga Nepali Kata Anou si dhe Sierra, vajza 6-vjeçare e Tiburcios.

Të gjitha viktimat ishin gra emigrante që kishin ardhur në Qipro për të punuar. Administrata e Qipros kërkoi ndihmë nga ekspertët britanikë për rastin e vrasësit serik që u etiketua si rasti i parë i këtillë në ishull.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça