Vrau kunatin pasi i përdhunoi të bijën, babai shqiptar kërkon të lirohet nga burgu

Vrau kunatin pasi i përdhunoi të bijën, babai shqiptar kërkon të lirohet nga burgu

Avokatët e shqiptarit 50-vjeçar Fatmir Tarellari, i cili në muajin janar vrau kunatin e tij Erjon Pelivani 33-vjeç pasi dyshonte se i kishte përdhunuar vajzën, kanë bërë kërkesë për lirim nga burgu.

Aktualisht 50-vjeçari mbahet në një repart të veçantë në burgjet e Larisës, ndërsa ruan pothuajse çdo ditë kontakte me tre fëmijët e tij, shkruajnë mediat greke.

Pasi ai mësoi nga vajza e tij 18-vjeçare se vëllai i gruas së dytë e përdhunonte vajzën që prej moshës 9-vjeçare dhe së fundmi e shantazhonte se do i publikonte video intime, ai vrau 33-vjeçarin. Pas aktit kriminal autori u vetëdorëzua në polici.

“Isha në mbrojtje, u pendova. Vajza ime më tregoi se kur u përdhunua aty ishte edhe djali im i vogël, i cili tani është nëntë vjeç dhe të cilin kunati e la vetëm në dhomën tjetër ndërsa mbylli derën e dhomës ku ishte me të

Vajza ime, e cila është jetime, ka nevojë që unë ta mbështes psikologjikisht dhe financiarisht, pasi ajo është e dëmtuar emocionalisht dhe ka arritur deri në tentativë për vetëvrasje. Nuk e dija këtë, më tha mësuesja e saj dhe psikologu”, ka deklaruar ai.

Ngjarja e rëndë ndodhi në qytetin Volos, Greqi. Shqiptari vrau kunatin e tij, Erjon Pelivani, me armë gjahu pasi e bija i rrëfeu përdhunimet dhe kërcënimet me video intime që viktima i bënte. 50-vjeçari ka 3 vajza nga martesa e parë dhe një djalë nga martesa e dytë, ndërsa Pelivani ishte vëllai i gruas aktuale.

Xh.K/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po jep rezultate lufta e SPAK ndaj grupeve kriminale?



×

Lajmi i fundit

Foshnja 5 muajshe në krahët e gjyshes vdes pasi u kafshua nga pitbulli i familjes

Foshnja 5 muajshe në krahët e gjyshes vdes pasi u kafshua nga pitbulli i familjes