Mediet greke kanë zbardhur dëshminë tronditëse të 18 vjeçares shqiptare që u përdhunua dhe u shantazhua nga vëllai i njerkës Erion Pelivani, 33 vjeç që kur ishte 9 vjeçe.
Ajo ka rrëfyer vitet e errëta dhe momentin kur i tregoi të atit se ishte abuzuar. Në rrëfimin e saj, 18 vjeçarja thotë se babai e ka përqafuar dhe i ka thënë asaj që të denoncojë këtë që i ka ndodhur.
“I thashë babait se dikush më ngacmoi që në moshën 9-vjeçare dhe se përdhunimi filloi në moshën 12-vjeçare. Unë shpërtheva në lot. Babai më përqafoi. Ai reagoi shumë gjakftohtë dhe më tha se do të jetë pranë meje. Më tha të gjeja guximin të shkoja te një avokat për ta denoncuar”.
Ajo tregon se fillimisht babait nuk ia përmendi emrin e vëllait të njerkës.
“Më pyeti se kush ishte por nuk pata guxim t’i tregoja. Avokati më tha të filloja të shkruaj atë që më kishte ndodhur. Kam vizituar një specialist. Babai ishte gjithmonë pranë meje, duke qarë, duke ndier keqardhje për atë që më ndodhi. Ai donte të më mbronte, më përqafoi, më puthi. Ai këmbënguli që unë t’i tregoja se kush është.”
Me figurën e të atit që qante shpesh dhe e bënte veten fajtor për abuzimin që i kishte ndodhur të bijës, 18 vjeçarja një mëngjes vendosi që t'i tregojë babait të saj emrin e përdhunuesit që solli dhe më pas vrasjen e tij.
“Babai im vazhdimisht qante dhe fajësonte veten për atë që më ndodhi. Më erdhi keq për të dhe i thashë se është vëllai i njerkës sime, gruas së tij të dytë. Me të dëgjuar këtë, ai u trondit. Atëherë ai insistoi edhe më shumë që të vazhdoja me rrëfimin. I kërkova kohë për të folur me psikiatrin dhe dukej se ishte dakord. Mësuesja ime erdhi në shtëpi dhe i kisha treguar më parë se çfarë po ndodhte, por jo në detaje rreth një vit më parë, kur i kisha thënë edhe motrës sime. Në zyrën e avokatit, babai dukej i shqetësuar, i shqetësuar, i mërzitur. Nuk e kisha parë kurrë më parë kështu”, është shprehur vajza.
Ndërsa në lidhje me shantazhin që 33 vjeçari i ka bërë asaj ndër vite, 18 vjeçarja është shprehur:
“Në çantë kisha 1000 euro që më kishte dhënë babai në mëngjes për qiranë. Duke u kthyer në makinë, ai më tha se i kishte marrë nga çanta ime dhe nuk do të më shqetësonte më. Iu luta të mos bënte asgjë me videon. Të nesërmen kuptova se kishte lënë rreth 150 euro nga paratë që kisha në çantë. Kisha frikë prej tij. Kisha frikë se mos më bënte keq mua, motrat, babain”, shtoi 18-vjeçarja.
Në dëshminë e saj 18-vjeçarja ka rrëfyer edhe momentin kur kuptoi se babai i saj e kishte vrarë përdhunuesin, pasi kishte mësuar gjithçka. Vajza ka shkruar në një fletore gjithçka që i ka ndodhur duke nisur që nga ngacmimi i saj i parë seksual nga njerku duke parë një film në shtëpi.
“Videoja është e vërtetë, e kam parë”, kështu ka thënë 18-vjeçarja shqiptare që u abuzua seksualisht nga vëllai i njerkës në Volos të Greqisë. Siç ka treguar ajo, videoja është 36 sekonda dhe është filmuar kur ajo ishte 13 ose 14 vjeç.
18-vjeçarja ka treguar më tej vëllai i njerkës i kishte marrë herën e fundit 1 mijë euro nën kërcënimin se do t’i bënte publike videon që kishte filmuar gjatë përdhunimit.
“Videoja ekziston, e kam parë. Ai ma kishte treguar një vit më parë në foto dhe në nëntor para se të takoheshim për herë të fundit, ma dërgoi në celular dhe më pas e fshiu. Kjo video është 36 sekonda e gjatë. Ai duket se është në shtëpi, në dhomën time. Fytyra e tij nuk duket qartë, por duket tatuazhi që ka bërë. Isha në shtrat në gjendje të keqe. Duhet të kem qenë 13 ose 14 vjeç në atë kohë”, ka rrëfyer 18-vjeçarja.
Ajo tregon më të tej se abuzimi i fundit ndaj saj ndodhi dy muaj më parë në një shtëpi tjetër
“Më duhej ta takoja sepse më thoshte se nëse nuk e takoja, do të publikonte një video që kishte në celular me mua dhe atë. Hyra në makinën e tij dhe në një moment dola nga ajo sepse ndjeva se nuk doja të kisha kontakt të ngushtë me të. I kërkova të mos më shqetësonte më dhe më tha “ok, kjo do të jetë hera e fundit”.
18 vjeçarja shqiptare që është abuzuar seksualisht që në moshën 9 vjeçare nga vëllai i njerkës së saj në Greqi ka treguar para prokurorëve si ka nisur gjithçka. Kur ajo ishte vetëm 9-vjeçe, thotë se është ngamcuar për herë të parë nga 33 vjeçari Erion P. kur kanë qenë duke parë një film.
“Në moshën 9-vjeçare u sulmova seksualisht për herë të parë nga… Ai është vëllai i njerkës sime. Më bëri të shtrihem pranë tij me pretekstin se do të shikoja një film. Më vuri dorën rreth qafës dhe më pas më preku.
Më thoshte fli, po bënte sikur flinte vetë por mundohej të më prekte... Megjithatë unë e tërhoqa dorën. Ai më bënte presion dhe vazhdonte po njësoj. Çdo përpjekje që bëra për t’u larguar ishte një përpjekje e kotë”, ka thënë 18-vjeçarja.
“E godita, nuk e di nëse ka vdekur...”, këto kanë qenë fjalët që i ka thënë 50-vjeçari shqiptar të bijës 18-vjeçare pasi kishte vrarë kunatin Erion Pelivani që kishte abuzuar me të seksualisht që kur ajo ishte 9 vjeçe më Greqi.
“Në zyrën e avokatit, babai dukej i shqetësuar, i mërzitur. Nuk e kisha parë kurrë më parë kështu. Pastaj më thotë “E godita, nuk e di nëse ka vdekur”. Nuk më tha se kush por e kuptova se kë donte të thoshte. Pata një sulm paniku. Nuk mbaj mend shumë. Mbaj mend që babai im ka marrë Policinë dhe i thotë “kam goditur dikë, nuk e di nëse ka vdekur apo është gjallë”. Për 10 minuta do vij të dorëzohem''.
Lajme të tjera
-
Alarm në Greqi, ujërat e zeza të Athinës të ‘mbingopura’ me kokainë! Dyfishohet konsumi i drogës gjatë festave, ulet niveli i COVID-it
25 Dhjetor, 17:15 -
Greqi/ U plagos me thikë pas shpine në sulmin nga 4 persona, kopshtari shqiptar u tregon oficerëve emrin e autorit! Motivi, përleshja tre muaj më parë
25 Dhjetor, 16:55 -
Krimi në familje në Sarandë, e arrestuara shtang hetuesit: Tentova ta vrisja dhe më parë bashkëshortin, nuk kisha arsye!
25 Dhjetor, 15:53
-
Greqi/ Plagoset me thikë pas shpine 50-vjeçari shqiptar, e sulmuan 4 persona! Autorët udhëtonin me makinë dhe motor
24 Dhjetor, 16:06 -
Sarandë/ Konflikt në familje, gruaja vret burrin në fshatin Metoq (EMRAT)
24 Dhjetor, 08:47 -
Kryeministri grek: Masa ndaj rrjeteve sociale, por jo bllokime të rrepta
23 Dhjetor, 16:35 -
Bie numri i shqiptarëve me leje qëndrimi në Greqi
23 Dhjetor, 16:14
-
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
Pas masakrës së Magdeburgut/ Blindohet Greqia, masa të shtuara të sigurisë për 15 ditët e ardhshme
23 Dhjetor, 08:23 -
Shpërndanin drogë në Greqi, 4 të arrestuar, mes tyre dy shqiptarë
22 Dhjetor, 11:14 -
Greqi/ Tërmeti shkund Patran, forca 4,7 ballë! Nuk raportohet për të lënduar, por ka shkëputje masive gurësh! Frikë për paslëkundje, panik te banorët
21 Dhjetor, 18:33 -
Arrestimi në Gjermani, Florian Marku në pritje të ekstradimit drejt Greqisë! Priten 6 muaj burg
19 Dhjetor, 12:47
