Vrau me 2 plumba në kokë të dashurën, Avokati i autorit: Është penduar dhe i shkatërruar

Vrau me 2 plumba në kokë të dashurën, Avokati i autorit: Është penduar dhe i shkatërruar

1670154659_lkjhsadiud.PNG

Autori i vrasjes së 19-vjeçares, Qamil Taja, 25 vjeç, ka mbërritur në Gjykatën e Pireut pas orës 10:30 të mëngjesit nën masa të rrepta sigurie, i cili ka qëndruar në zyrën e hetimit për më shumë se 2 orë.

Prokurori e ka akuzuar për vrasje me dashje në gjendje të qetë shpirtërore, ndërsa avokati i 25 vjeçarit në deklarimet e tij ka theksuar se autori është i penduar dhe i dërrmuar nga ngjarja tragjike.

Avokati i autorit, Christos Divanidis, tha se autori ka shprehur pendesën e tij dhe se është i shkatërruar.

“Ai kërkoi dhe iu dha një afat për të kërkuar falje. Është e dhënë që më ka shprehur pendimin. Ai është i shkatërruar. Nuk do të doja të bëja një deklaratë të parakohshme nëse ai kishte përdorur drogë”, tha avokati i autorit, Christos Divanidis. 

Sipas informacioneve, pas vrasjes 25-vjeçari është vetëdorëzuar në polici, duke pohuar para efektivëve se ishte xheloz për 19-vjeçaren dhe se kishte përdorur kokainë, para se të merrte armën dhe ta qëllonte dy herë në kokë.

“Kam ardhur të dorëzohem. Unë vrava partneren time. Ajo ka vdekur në shtëpi”, mësohet të ketë autori në polici, sipas informacioneve të Mega.


Lajmi kryesor:

Vrau me 2 plumba në kokë të dashurën/ Nën masa të rrepta sigurie shqiptari mbërrin para gjykatës greke: E vrava pasi pashë një mesazh


S.S/Shqiptarja.com
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lindon Selahi 'sms' Sylvinhos: Trajneri s'më ka telefonuar, kam shpresa për Europianin

Lindon Selahi 'sms' Sylvinhos: Trajneri s'më ka telefonuar, kam shpresa për Europianin