Marjo (Sajmir) Arshi Ramaj akuzohet se më 6 shkurt të 3 viteve më parë ka vrarë me mjet prerës shtetasin grek me inicialet J.S, në Petralona të Greqisë.
Procedimi penal ndaj këtij shtetasi ka nisur në Greqi dhe është transferuar në Shqipëri.
Gjykata e Rrethit Gjyqësor Vlorë ka caktuar masën e sigurisë “Arrest në burg” për veprën penale të Vjedhjes me pasojë vdekjen” parashikuar në nenin 141 i Kodit Penal.
Operacioni i arrestimit të 28 vjeçarit banues në fshatin Picar, komuna Armen, Vlorë, është koduar “ Transferimi”
“Strukturat e Drejtorisë së Policisë Qarku Vlorë janë duke shkëmbyer në mënyrë intensive informacion me Agjensitë Ligjzbatuese Greke pasi ky shtetas dyshohet edhe për ngjarje të tjera të rënda kriminale. Ky shtetas ka qënë i shumëkërkuar nga autoritetet greke dhe disa herë ka arritur t’i shpëtojë operacioneve për arrestimin e tij. “- thuhet në njoftimin për shtyp të policisë së Vlorës.
Redaksia online
(sg/shqiptarja.com)
![](https://www.shqiptarja.com/template/img/sh_logo1.png)