Ai mori pjesë në liturgjinë e organizuar në manastirin e Graçanicës për krishtlindjet ortodokse.
Por përtej festimeve duket se zv.kryeministri nuk ka lënë mënjanë deklarat politike, që lidhen me serbët që jetojnë në Kosovë. Ai ka deklaruar prerë: “Serbia nuk do të heqë dorë nga qytetarë serbë që jetojnë në Kosovë” dhe se "Serbia dëshiron paqe, negociata dhe biseda".
Deklaratat të cilat pritet të ngjallin dhe reagimin e autoriteteve të Prishtinës. Kryekomunarja e Gjakovës, Mimoza Kusari Lila një ditë më parë për refuzimin e vizitës së Vulin u shpreh se "Serbia të kërkojë më parë falje e pastaj të vijë në Kosovë".
Aleksandër Vuçiç ka deklaruar se veprimi i protestuesve në Gjakovë ishte histerik duke shtuar se qytetarët e Kosovës nuk duhet të bëjnë kësi lloj veprimesh për të ndaluar vizitat serbe në kishat e tyre, raportojne mediat kosovare.
Alleksandar Vuçiç përmendi sot në Graçanicë edhe protestën e djeshme në Gjakovë kundër vizitës së ministrit Aleksandar Vulin. Ai e quajti shenjë të urrejtjes ndaj serbëve. Duke folur për mediat, pas liturgjisë në Manastirin e Graçanicës, Vuçiç falënderoi serbët e Kosovës, të cilët, siç tha ai, po mbijetojnë përkundër jetës së vështirë dhe të gjitha problemeve me të cilat përballen, pasi gjithkush po tenton që t’i largojë nga shtëpitë e tyre.
“Sot pozita e popullit serb, nuk është aspak e lehtë, nga thyerja e tabelës cirilike në Vukovar, i cili veprim për secilin serb është sikur ta godasësh me çekan në kokë, e deri tek sulmi i mbrëmshëm mbi autobusin [me pelegrinë] dhe urrejtjes histerike të cilën keni pasur mundësi ta shihni në Gjakovë”, ka thënë ai, për të shtuar se megjithatë Serbia reagoi qetë dhe me përmbajtje.
Në vizitën e tij, që duhet theksuar se monitorohej nga polici e shumtë e Kosovës, Vuçiç foli edhe për projektet të ndryshme që do të ndërtohen në komunat serbe në Kosovës.
Në Graçanicë mori pjesë edhe ministri serb i Mbrojtjes, Nebojsa Rodic.
Redaksia online
(ed/sg/mag/shqiptarja.com)
![](https://www.shqiptarja.com/template/img/sh_logo1.png)