Vuçiç nga Mali i Zi: Së
shpejti takimi Jahjaga–Nikoliç

Nënkryetari i Qeverisë së Serbisë Aleksandër Vuçiç gjatë qëndrimit në kryeqytetin e Malit të Zi ka thënë se së shpejti do të takohen kryetari i Serbisë Tomislav Nikoliç dhe kryetarja e Kosovës Atifete Jahjaga.

Në pyetjen se kur do të bëhet takimi, ai është përgjigjur se kur them “së shpejti, kjo dhe do të ndodhë kështu”, duke mos dashur të tregojë as ku do të mbahet takimi.

Duke folur për Kosovën ai ka thënë se zgjidhja e çështjes së Kosovës është “ecje nëpër tel” dhe se ne po përpiqemi “që për popullin tonë të fitojmë sa më shumë që të mundemi e të humbasim sa më pak që jemi të detyruar”, ka thënë Vuçiç.

(Marrë nga gazeta Express)

(ad.ti/shqiptarja.com)