Në një deklaratë për mediat, Federata Shqiptare e Futbollit thotë se arsyeja se përse ndeshja e shumëpritur me Serbinë do të zhvillohet në stadiumin e Elbasanit është se për çështje sigurie, stadiumi i shkodrës duhet testuar paraprakisht me një ndeshje miqësore të një niveli të lartë.
“Sipas UEFA stadiumi i ri duhet testuar paraprakisht me një miqësore të nivelit të lartë. Për këtë arsye takimi do zhvillohet në Elbasan”, - thuhet në deklaratën e FSHF
Ndeshja miqësore e testimit në stadiumin e Shkodrës do të zhvillohet në muajin nëntorë sipas FSHF, ndërkohë nuk bëhet e ditur se cili do të jetë ekipi që do të përballet me kombëtaren shqiptare në miqësoren e nëntorit në “Loro Boriçi” të Shkodrës.
“Në nëntorë do zhvillohet një miqësore e nivelit të lartë në Shkodër, ndërkohë po meren të gjitha masat për ecururinë dhe mbarëvajtjen e ndeshjes në Elbasan”, -thuhet në deklaratën e FSHF.
Redaksia Online
(o.b/ Shqiptarja.com)