Vuçiç i quan terroristë policët dhe ushtarët e Kosovës: Ku e gjejnë turqit dhe të tjerët të drejtën që t'i armatosin?

Presidenti serb, Aleksandar Vuçiç i ka quajtur terroriste njësitet speciale të Policisë së Kosovës dhe FSK-në.

Duke komentuar vendimin e Qeverisë së Kosovës që i shpalli terroriste organizatat “Mbrojtja Civile” dhe komponenen e saj “Brigada e Veriut”, Vuçiç mori shembullin sikur Serbia t’i shpallte terroriste njësitet speciale të Policisë së Kosovës. Sipas tij, Perëndimi do të kërkonte menjëherë sanksione.

“Ata janë në fakt terroristë, ashtu si FSK-ja. Më thoni, ju lutem, sipas cilit akt ndërkombëtar mund të ekzistojnë, pasi NATO thotë se bazohet në Rezolutën 1244 të Këshillit të Sigurimit të OKB-së. Me çfarë akti i e gjejnë turqit dhe të tjerët të drejtën që t'i armatosin? Me çfarë të drejte?”, pyeti Vuçiç dhe më pas u përgjigj vetë.

LEXO EDHE:
Kosova i përgjigjet SHBA për mbylljen e bankave serbe: Aktiviteti i tyre ishte i jashtëligjshëm, Beogradi nuk ka pranuar propozimet tona

“Atyre nuk u intereson shumë, ju e dini se çfarë thonë gjermanët, amerikanët dhe të tjerët – ‘epo sipas të drejtës sonë, të drejtës së më të fortëve, ju jeni një Serbi e vogël që të mund të kërkoni të drejtën’. Kështu thonë ata. Çfarë të më thonë, kur nuk shkruhet askund”, tha Vuçiç. Express

Lajmi kryesor:

Vuçiç për Kurtin: Pres të intensifikojë sulmet, si Ukraina! Ëndërron të bëhet si Enver Hoxha e Zelensky

TAG:
• aleksander vucic
• kosove
• serbi