Vuçiç përmend nënkryetarin e Listës Serbe të shpallur 'non grata': Autoritet shqiptare e akuzuan, por i tërhoqën akuzat

Presidenti Aleksandër Vuçiç teksa i drejtohej parlamentit në Serbi po shoqërohej nga nënkryetari i Listës Serbe, Milan Radoiçiç, i sanksionuar nga SHBA e Britania e Madhe. Media Kosovo-Online, raporton se deputetët serbë e pyetën Vuçiçin se pse po ndiqej edhe nga deputetë të Listës Serbe.

"Sepse ata përfaqësojnë popullin e Kosovës, besimin e të cilëve e kanë fituar, ndryshe nga disa tjerë që s’i kanë marrë as tre vota”, mësohet të ketë thënë Vuçiç. Më tej,  ka pëmendur edhe Radoiçiçin, duke thënë se autoritetet e Kosovës kanë tërhequr akuzën ndaj tij.

“Milan Radoiçiç po ulet atje, i cili u akuzua, autoritet shqiptare e akuzuan atë, tërhoqen akuzat, por kjo ka qenë e mjaftueshme për ta deklaruar atë si vrasës, sepse e duan ashtu.” – citohet të ketë thënë Vuçiq.

Lajmi kryesor:

Opozita e quan ‘tradhtar’ Vuçiç, konfliktohen fizikisht deputetët në Serbi! Presidenti: S’guxoj ta prezantoj të plotë planin franko-gjerman

A.M./Shqiptarja.com

TAG:
• plani franko-gjerman
• Dialogu Kosovë Serbi
• serbi