Dështimi i bisedimeve për çështjen e targave, Vuçiç thirrje serbëve në Kosovë: Të ruajmë paqen

Presidenti i Serbisë Aleksandër Vuçiç është shprehur se gjatë mbrëmjes do të takojë në Beograd, përfaqësuesit e serbëve të Kosovës. Ndërsa, shton se do i kërkojë që të ruajnë paqen.

“Sonte do të kem një takim me serbët e Kosovës dhe Metohisë. Kërkesa është shumë e qartë, të përpiqemi të ruajmë paqen”, tha Vuçiç gjatë një fjalimi të mbajtur pas dështimit të negociatave në Bruksel mes Kosovës dhe Serbisë.

LEXO EDHE:
Rritet presioni ndaj Kosovës për themelimin e Asociacionit

Vuçiç ka thënë se nëse do të ketë protesta, ato duhet të jenë paqesore.

 “Duhet të përpiqemi të tregojmë se nuk donim konflikte as për një sekondë. Nëse protestojnë, duhet të protestojnë në mënyrë paqësore dhe demokratike. Le të bëjmë çmos për të ruajtur paqen. Ne do të respektojmë kërkesën e (kryediplomatit të Bashkimit Evropian, Josep) Borrellit. Nuk do të nxjerrim të reja, dhe as nuk do t'i publikojmë”, u shpreh Vuçiç.

Lajmi kryesor:

Dështojnë bisedimet për targat në Bruksel/ BE e ashpër me Kurtin: Nuk pranoi propozimin tonë! Palët treguan papërgjegjshmëri, sjellje jo konstruktive

S.C/Shqiptarja.com

TAG:
• Josep Borell
• Dialogu Kosovë Serbi
• plani franko-gjerman
• aleksander vucic
• Albin Kurti
• Bruksel
• kosove
• serbi
• reciprociteti i targave
• tensione ne veri te kosoves