Wingsuiter-i sfidon aeroplanin në fluturim (VIDEO)

I veshur me kostum fluturues, praktikuesi i wingsuiter, Daniel Ossio, sfidoi një aeroplan të vogël që fluturonte mbi Algarve, në lartësi 4500m. 39 vjeçari norvegjez teksa performonte në qiellin e Portugalisë, u ndesh me një aeroplan të vogël sportiv poshtë tij. Shoku tjetër i ekipit, norvegjezi  Espen Fade, filmoi çdo gjë dhe video-ja e lançuar prej tij u bë virale. Daniel Ossio, pa u menduar dy herë, u lëshua drejt krahëve të avionit, qëndroi paralelisht me to, pastaj, “i droguar” me adrenalinë, devijoi poshtë barkut të Yet-it plot guxim dhe kordinim, pasi një aventurë e tillë mund edhe ta çonte drejt fatalitetit.

Wingsuiter është një sport fluturimi, i praktikuar si disiplinë sportive në fund të viteve 90’. Kostumi i zogut, që është i ngjajshëm për nga forma me trupin e lakuriqit të natës, me ndihmën e dy motoreve mbushet me ajër dhe lejon sportistin të fluturojë, fluturim që përfundon me hapjen e parashutës, për një zbritje të butë në sipërfaqen e tokës.

Përpjekjet e hershme për të krijuar një kostum fluturues, kanë nisur që në vitin 1912 nga rrobaqepësi austriak, 33-vjeçari Franz Reichelt, i cili kërceu nga Kulla Eifel për të provuar shpikjen e tij. Pasi mashtroi rojet duke thënë se eksperimenti do të zhvillohej me një mankin dhe pas hezitimit fillestar, ai u lëshua në ajër dhe përfundoi i vdekur në tokë. Me vonë, në vitin 1999, finlandezi Jari Kuosma krijoi të parën këmishë të sigurt fluturimi, e para e ofruar për publikun bashkë me një program instruktazhi./Përgatiti Ilir Çuçi

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Berisha me zë Gazi!

Berisha me zë Gazi!