Xhaçka bisedë telefonike me homologun gjerman: Zgjedhjet, moment i ri për reformat e integrimit! Reforma në drejtësi e pandalshme

Ministrja e jashtme Olta Xhaçka ka zhvilluar një bisedë telefonike me homologun gjerman Heiko Maas. Xhaçka ka vlerësuar mbështetjen e Gjermanisë për mbajtjen e  Konferencës së parë Ndërqeveritare, ndërsa i ka cilësuar zgjedhjet e 25 prillit një moment të ri për reformat e integrimit. Në lidhje me reforma në drejtësi, Xhaçka tha se ajo është e pandalshme.

"Bisedë shumë e mirë me ministrin e Jashtëm gjerman, Heiko Maas. Mirënjohës për mbështetjen gjermane për mbajtjen e Konferencës së parë ndërqeveritare. Zgjedhjet e 25 Prillit, një moment i ri për reformat e integrimit. Reforma në drejtësi e pandalshme!", shkruan Xhaçka.

Reforma në drejtësi ishte mjaft e vlerësuar nga BE, ku përfaqësuesit e saj shefi i politikës së Jashtme në BE, Josep Borrel dhe Komisioneri për Zgjerim, Oliver Varhelyi theksuan me nota pozitive ecjen përpara të saj. Në lidhje me integrimin e vendit, ata pranuan një ditë më parë gjatë vizitës së Kryeministrit Rama në Bruksel, ku thanë se Shqipëria i ka bërë 'detyrat e shtëpisë' dhe se është gati për mbajtjen e konferencës së parë ndërqeveritare.

I.K./Shqiptarja.com
  • Sondazhi i ditës:

    A mendoni se Gjykata Kushtetuese do e shkarkojë presidentin Meta ?

Komento


×

Lajmi i fundit

John

Rritje drastike e numrit të viktimave nga COVID në vend! 10 humbje jete në 24 orët e fundit dhe 435 raste të reja