POP 5

Lajmet më të lexuara të 5 minutave të fundit

Grabitja në Rinas/ Xhaçka: Batalioni Special i Forcave të Armatosura do marrë në mbrojtje aeroportin

Një ditë pas supergrabitjes së 10 milionë euro, ministrja e mbrojtjes, Olta Xhaçka ka njoftuar se për sigurinë e Aeroportit “Nënë Tereza” në Rinas do të angazhohet edhe Ushtria.

Në një deklaratë për mediat, Xhaçka u shpreh se koncesionari ka dështuar të përmbushë përgjegjësitë e tij për garantimin e parametrave të sigurisë fizike dhe për këtë arsye do të ndiqet e njëjta praktikë si në vendet e tjera: do të vendosen efektivë të Policisë Ushtarake dhe Batalionit Special të Forcave tona të Armatosura.

"Ngjarja që ndodhi dje në aeroportin e Rinasit ishte sigurisht një ngjarje e rëndë. I bashkohem shqetësimit të qytetarëve dhe kolegëve, që diçka e tillë, nuk mund të ndodhë në një zonë të rëndësisë së veçantë.

 Ajo që tashmë dihet nga analiza dhe hetimi është se, mekanizmat e sigurisë, që janë nën përgjegjësinë e kompanisë kineze koncensionare të aeroportit, kanë dështuar tërësisht.

 Koncesionari ka dështuar të përmbushë përgjegjësitë e tij për garantimin e parametrave të sigurisë fizike dhe nuk ka zbatuar standardet e detyrueshme të sigurisë, që përcaktohen nga legjislacioni vendas dhe nga Organizata Botërore e Aviacionit Civil.

Kjo është një shkelje e papërgjegjshme dhe shume e rende e legjislacionit shqiptar, për të cilën, shpresoj dhe besoj që  përgjegjësitë penale të jenë konkrete.

Kjo situatë kërkon një ndërhyrje urgjente, sepse ne nuk mund të lejojmë të cënohet as siguria e qytetarëve dhe as imazhi i vendit.

Për këtë arsye, në kushtet e një papërgjegjshmërie të përsëritur të koncesionarit për të respektuar detyrimet e tij ligjore për garantimin e sigurisë së aeroportit, kam urdhëruar që në  perimetrin e sigurisë së aerportit “Nënë Tereza” të vendosen efektivë të Policisë Ushtarake dhe Batalionit Special të Forcave tona të Armatosura.

Kjo është një praktikë, që zbatohet sot në thuajse çdo kryeqytet europian, ku njësi të Forcave të Armatosura vendosen në mbështetje të kolegëve të tyre të Policisë, me qëllim, garantimin e sigurisë së objekteve të rëndësisë së veçantë dhe mbi të gjitha, me qëllim garantimin e sigurisë së qytetarëve.Po ashtu, duke qenë që në një distancë fare të shkurtër nga Aeroporti i Rinasit ndodhet e vendosur edhe Komanda Ajrore e Forcave të Armatosura, kam urdhëruar që edhe Policia Ushtarake të dislokohet në këtë komandë, duke ju bashkuar kështu Policisë së Shtetit për ta mbështetur atë në garantimin e sigurisë së aeroportit.

Dua t’i garantoj të gjithë qytetarët, që siguria e tyre është prioriteti ynë kryesor dhe askush nuk duhet të vërë në dyshim vendosmërinë tonë për të bërë gjithçka për ta garantuar atë", tha Xhaçka.

B.K./Shqiptarja.com
Komento

Komente

  • Ramazan Njala: 10/04/2019 19:38

    10 miliona me i na per 7 bataliona

    Përgjigju
  • Tani: 10/04/2019 17:19

    Shume vone znj ministre. Duhej ta kishte marre qe heren e pare kur ndodhi grabitja e pare. Pse nuk u be inspektim i masave te marra nga koncesionari mbas grabitjes se pare? Apo ajo balluku qe ka qene te TIA e ka mendjen per deklarata fb.

    Përgjigju
    • Jo: 10/04/2019 23:07

      Jo jo nuk është vonasjëher !!!