Xhafaj: Këlliçi humbi dhe në lagjen ku votoi bashkë me familjen! Edhe vetë demokratët nuk e mbështetën tek njësia 10

Deputeti i PS, Fatmir Xhafa teksa uroi fitoren e Erion Veliajt për Bashkinë e Tiranës, kishte edhe një mesazh për rivalin Belind Këlliçi. Në aktivitetin festiv në selinë e PS me rastin e fitores, Xhafa tha se ai zgjodhi liderin e gabuar dhe rrugën e gabuar.

Sipas Xhafës demokratët janë qytetarë, arsyetojnë dhe dinë për kë të votojnë.

“Disa thonë se ne kishim një kundërshtar të dobët, prandaj fituam kaq thellë. Unë nuk besoj që është kështu. Do ju jap një argument. Pak metra nga kjo seli është qendra e votimit 1981 atje ku votoi kandidati rival i Erionit, ku gjithë familja e tij dhe farefisi i tij dhe humbi. E dini pse humbi ? Sepse kishte zgjedhur lideshipin e gabuar dhe rrugën e gabuar, prandaj edhe demokratët vetë nuk e mbështetën tek njësia 10, sepse demokratët janë qytetarë të këtij vendi dhe dinë të arsyetojnë dhe votojnë për jetën e tyre”, tha Fatmir Xhafaj.

LEXO EDHE:
Fabrizio Bosso sjell në Tiranë koncertin 'We Wonder', homazh për muzikantin Stevie Wonder

Lajmi kryesor:

PS feston fitoren në Tiranë, Veliaj bën thirrje për bashkim në Këshill Bashkiak: Kemi më shumë gjëra që na bashkojnë, sesa na ndajnë

B.K./KT/Shqiptarja.com

TAG:
• zgjedhjet vendore 2023
• Tirane
• erion veliaj