POP 5

Lajmet më të lexuara të 5 minutave të fundit

Kosova & Rajoni

Xhandarmëria serbe plagos 6
shqiptarë në kufi me Serbinë

Gjashtë shqiptarë janë plagosur me armë zjarri në fshatin Mirofc të Podujevës, në kufirin ndërmjet Kosovës dhe Serbisë. Sipas Policisë së Kosovës, në këtë zonë kufitare ka pasur shkëmbim zjarri në të dy drejtimet, dhe shqiptarët e Kosovës janë plagosur nga xhandarmëria serbe.
PODUJEVE-  Gjashtë shqiptarë janë plagosur me armë zjarri në fshatin Mirofc të Podujevës, në kufirin ndërmjet Kosovës dhe Serbisë. Sipas Policisë së Kosovës, në këtë zonë kufitare ka pasur shkëmbim zjarri në të dy drejtimet, dhe shqiptarët e Kosovës janë plagosur nga xhandarmëria serbe.

Zëdhënësi i Policisë së Kosovës, Baki Kelani tha se  dyshohet të ketë pasur shkëmbim zjarri ndërmjet disa personave që sipas tij, dyshohet se kanë qenë duke prerë dru në mal.

“Rreth orës 19:40 në fshatin Mirofc të Podujevës, në brezin kufitar në mes të Republikës së Kosovës dhe Serbisë, dyshohet të ketë pasur shkëmbim zjarri në mes të disa personave që dyshohet se kanë qenë duke prerë dru dhe disa personave nga ana e kufirit. Nga informacionet e pranuara nga terreni dyshohet edhe për 5 persona të plagosur nga arma e zjarrit. Të plagosurit janë në drejtim të Qendrës Klinike Universitare të Kosovës në Prishtinë”, ka theksuar Baki Kelani.

Sipas tij, Policia ka ndërmarrë të gjitha veprimet e nevojshme policore lidhur me këtë rast. Kurse mediat serbe raportojnë për së paku dy shqiptarë të jenë plagosur në kufirin Kosovë-Serbi, gjatë konfliktit të armatosur me përfaqësuesit e xhandarmërisë serbe.

”Grupi shqiptar ka sulmuar me armë automatike patrullën e xhandarmërisë në territorin e Serbisë, në fshatin Borovac të Kurshumlisë”, ka thënë Komandanti i këtij njësiti serb, Bratislav Dikiç. Sipas tij shqiptarët po prinin dru ilegalisht.

Dikiç ka theksuar se KFOR-i ka njoftuar xhandarmërinë se dy shqiptarë janë plagosur dhe se ata ishin transferuar në QKUK në Prishtinë, raportojnë mediat serbe.

Komandanti serb dyshon se gjatë sulmit kishte më shumë shqiptarë të plagosur dhe se disa nga ata ende janë të fshehur në male të Serbisë, informon RTK. Sipas mjekëve gjendja e të plagosurve është stabile, përveç njërit që është në gjëndje të rëndë.

Kjo nuk është hera e parë që në vijën kufitare ndërmjet Kosovës dhe Serbisë, përgjatë vijës kufitare që përfshin Komunën e Podujevës, të ketë pasur shkëmbime zjarri.

Redaksia online
(sg/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Abuzim me tenderat/ Dënohet me burg ish-kryebashkiakja e Patosit, Rajmonda Balilaj! I konvertohet në shërbim prove

Abuzim me tenderat/ Dënohet me burg ish-kryebashkiakja e Patosit, Rajmonda Balilaj! I konvertohet në shërbim prove

15 Janar, 19:00