Pak ditë më parë, Ardian Bujupi paralajmëroi se do të sjellë një këngë verore për publikun me anë të një fotoje në Instagram. Fansat dyshonin se ajo ishte Xhensila dhe ky dyshim u vërtetua me lançimin e këngës.

Para pak minutash, këngëtarja e njohur Xhensila Myrtezaj solli këngën e saj më të re, në bashkëpunim me Ardian Bujupin. Kënga e titulluar “Panorama” është shkruar nga Endrit Mumajesi dhe dy këngëtarët, ndërkohë që pritet të jetë hiti i verës së këtij viti.

Videoklipi është xhiruar në Jug të Shqipërisë dhe skenat janë shumë të larmishme, me plot ngjyra. Xhensila shfaqet më në formë se kurrë në videoklipin e fundit.