‘Xhisiela’, PD akuza qeverisë: Vajza dhe familja nuk janë marrë në mbrojtje, Rama në krah të kriminelëve

TIRANË-Partia Demokratike ka vijuar me akzuat në drejtim të qeverisë lidhur me çështjen e Xhisiela Malokut, vajza që denoncoi për dhunë djalin e deputetit Rrahman Rraja.

Në një konferencë për mediat nga selia blu, deputetja demokrate Albana Vokshi, ka thënë se djali i deputetit po mbrohet nga qeveria, ndërkohë që Xhisiela Maloku dhe familja e saj, ende nuk janë marrë nën mbrojtjen e shtetit.

Vajza e re dhe familja e saj nuk janë marrë në mbrojtje. Qëllimshëm mekanizmi për parandalimin e dhunës ndaj grave nuk zbatohet. Është vet Rama që po bën çdo përpjeke për ta shfaqur vajzën para gazetarëve për të shpëtuar kriminelët e veshur me pushtet. Nëse Balla dhe Rrahja s’do kishin bekimin e kryeministrit, sot viktima do ishte marrë në mbrojtje dhe djali përdhunues i deputetit duhet të ishte në burg. Rama qëndroi krah kriminelëve, duke dënuar denoncuesin Emiljano Nuhu, me sulmoi të njëjtën gjuhë si Zaganin, që denoncoi grupin e trafikantëve Habilaj. Rama e ka provuar me rastin e Zaganit, se sjellja si mafioz, me denigrim, e vonoi të vërtetën për hetimin ndaj Saimir Tahirit, por se pengoi dot.

LEXO EDHE:
Mobiljet 'fluturuese' në Durrës, reagon ministri Balla: Turp! (VIDEO)

Albana Vokshi, deputete e PD

Rasti i Xhisiela Malokut ka trazuar politikën shqiptare në javën e fundit me akuza dhe kundër akuza nga opozita dhe shumica. Historia nisi nga dëshmia e policit në komisariatin e Fushë-Krujës, Emiljano Nuhu i cili deklaroi se ishte kërcënuar me pistoletë në kokë për të mbyllur dosjen e hapur për akuzën e përdhunimit në ngarkim të djalit të deputetit të Partisë Socialiste, Rahman Rraja. Nuhu akuzoi dhe numrin 2 të PS, Taulant Balla, se ka mbështetur Rrajën në kërcënimin me pistoletë. Ndërkohë që Balla ka mohuar akuzat ndaj tij dhe ka thënë se denoncimi i ish-policit është një histori Babale 2. Vetë Xhisiela Maloku, në një intervistë për Report Tv, mohoi faktin e përdhunimit dhe kërcënimit me armë të oficerit në Komisariatin e Krujës. Dosja po hetohet nga Prokuroria, ndërkohë që sipas ekspertizës Xhisiela Maloku është dhunuar. Oficeri i Policisë që mori deklarimin, Gentjan Citozi është pezulluar nga detyra, ndërsa Emiljano Nuhu që bëri publik denoncimin ndaj Ballës është në Zvicër ku ka kërkuar edhe azil.

TAG:
• edi rama
• taulant balla
• Albana Vokshi
• xhisiela maloku
• Rrahman Rraja
• Dosja rraja

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.3%

• Jo

  75.2%

• Nuk e di

  5.4%

Vota total: 424

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di