Partizani nuk ndalet në dritaren e janarit sa i takon transferimeve. Pasi zyrtarizoi Xhuliano Skukën të huazuar nga Metz i Francës, kampionët në fuqi të Shqipërisë kanë bërë të vetin për dy sezone edhe 21-vjeçarin e moshave të Kosovës, Redon Ismailin.
Mesfushori prej datës 2 janar ka qenë i grumbulluar me ekipin në mini-fazën përgatitore në Antalia të Turqisë, duke qenë një mundësi më shumë për Orges Shehin sa i takon zgjedhjeve në formacion.
"Partizani me kënaqësi njofton arritjen e marrëveshjes me Redon Ismailin. Mesfushori 21 vjeçar, i cili sëfundmi ishte pjesë e Gjilanit, ka firmosur me kampionët një kontratë dy vjeçare, me opsion rinovimi edhe për një tjetër sezon. Ismaili pjestar i përfaqësueses U-21 të Kosovës i është bashkuar ekipit në fazën përgatitore që po zhvillohet në Antalia të Turqisë", thuhet në njoftim.
![](https://shqiptarja.com/template/img/NO_ALFA_Kuadrate shqiptarja.png)
Veç Ismailit, me ekipin është bashkuar në Antalia edhe Skuka. Sulmuesi pritet të marrë ngarkesën e duhur fizike, për të qenë gati më 13 janar, kur Partizani luan me Teutën.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)