POP 5

Lajmet më të lexuara të 5 minutave të fundit

Opinion

Ylli Pata: Fundosja e Foltores!

Vendimi i treshes së Gjykatës së Apelit natyrisht që nuk është vendimi më i mirë i mundshëm, pasi meqë u fol për një gjykim në thelb, i takonte ta merrte sot, duke mos e deleguar mundësinë e gjykimit, pasi gjërat janë të thjeshta.

Ylli Pata: Fundosja e Foltores!

Sali Berisha

Vendimi i treshes së Gjykatës së Apelit natyrisht që nuk është vendimi më i mirë i mundshëm, pasi meqë u fol për një gjykim në thelb, i takonte ta merrte sot, duke mos e deleguar mundësinë e gjykimit, pasi gjërat janë të thjeshta.

Megjtihatë Gjykata e Apelit ka rrëzuar vendimin e Agron Zhukrit, i cili ishte një vendim skandaloz, i zhytur në konflikt interesi dhe i marrë nën avuj ndikimi pa aspak arsye dhe dialektikë.

Tre gjykatësit e Apelit i kishin të gjitha mundësitë që ta merrnin vetë, ta gjykonin në themel çështjen e konfliktit ligjor ndërmjet foltores dhe Partisë Demokratike.

Megjithatë, sot ka një vendim të formës së prerë, sipas të cilit, Sali Berisha nuk është Partia Demokratike. Zyrat e tij në Shqup do të jenë thjesht si tip gallate, por ligjërisht Partinë Demokratike e përfaqësojnë institucionet deri tani të regjistruara ligjërisht.

Rikthimi i çështjes në gjykatën e shkallës së parë, nuk se i kanë dhënë një qartësi përplasjes brenda PD-së, por fakt është se palët do të përsërisin në mënyrë sa më të detajuar dorëzimin e dokumenteve ligjore për të marrë legjitimitetin.

Por një gjë është e qartë; Foltorja nuk e ka legjitimitetin e Partisë Demokratike, të cilin tentoi ta marrë pas 6 marsit me forcën e gjërave, dhe trafikun e influencës.

Të paktën me vendim të formës së prerë Sali Berisha nuk është kryetar i Partisë Demokratike, me vendim gjykate. Nëse nesër mediat pro foltores do ta bëjnë këtë, thjesht ja fusin kot.

Natyrisht edhe Enelejd Alibeaj nuk mund të jetë kryetar i PD-së ligjërisht, pasi vendimi është kthyer në gjylim themeltar. Por Alibeaj nuk se e ka pretenduar këtë në asnjë minut, pasi me largimin e Lulzim Bashës, u bë fjalë për një regjencë. Është Sali Berisha që me influencën e tij shumë penetruese në media shiti se është kryetar i PD-së, kur politikisht, e institucionalisht nuk ka qenë asnjë ditë.

Por sot, Sali Berisha, nuk ka fare lidhje me PD-në, përveç si një mbështetës, pasi as organet nuk i zotëron, e as grupin parlamentar nuk e anëtarëson.

Sot Sali Berisha është një person siç ka qenë kur Lulzim Basha e përjashtoi. Për të marrë në dorë organet dhe kontrollin i duhet një proces, e këtë proces, Berisha nuk e bën dot as me short cut, e as me media. Ndryshe nga 6 marsi 2022, kur aleancën me Ilir Metën e luajti si një zhvillim i detyruar me dinakëri, këtë radhë, nëse shkon te Ilir Meta, është zgjidhje politike.  

Sot u rrëzua një gënjeshtër e madhe, që e kanë pëhapur mediat e lidhur me regjimin, të cilët natyrisht i janë referuar Agron Zhukrit. Vendimi i të cilit është varrosur, vërtetë konflikti në PD nuk u zgjidh por foltorja është fundosur. Do të detyrohet të fshihet në strehën e Ilir Metës…

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Lufta/ Bilalli në Report Tv: Rusia mund të godasë me raketa vende që furnizojnë Ukrainën me armë! Cënohet siguria në Europë! Çfarë është raketa Oreshnik

Lufta/ Bilalli në Report Tv: Rusia mund të godasë me raketa vende që furnizojnë Ukrainën me armë! Cënohet siguria në Europë! Çfarë është raketa Oreshnik

25 Nëntor, 20:27