Natyrisht që përgjigja e kësaj pyetje është krejt e thjeshtë. Çdo protestë vjen, ushqehet dhe nxitet nga vendimet e qeverisë. Nuk ka qenë vetëm sot por në të gjithë historinë e njerëzimit.
Zemërimi i njerëzve, qoftë pak, qoftë shumë, qoftë edhe më shumë sido që të jetë mer shkas nga qeveria, pushtetarët, të pushtetshmit, që me vendimet e tyre ndikojnë jetën e tyre të përditshme.
Edhe në protestat e këtyre ditëve është qeveria protagonist, që me logjikën për të mos ndërhyrë, pastaj për të diskutuar, e që çoi në uljen e çmimit pas një çmenduri të së enjtes.
Protestat marrin nxitje apo përshkallëzim, edhe nga reagimi që bën pushteti, nëse këto reagime do të jenë gafa apo arrogancë, natyrisht që do të ketë reagim të fortë, por nëse pushteti do të përdorë dhunë, atëherë protesta vdes dhe nis të mbillet revolta e armiqësia mes qytetarëve dhe qeverisë. Siç ka ndodhur në të shkuarën xhanëm, kur përpara selisë së qeverisë të rrethuar me gardh, është respektuar “rregullorja e gardhit” e janë vrarë 4 qytetarë, pjesëmarrës në protestë.
Pra nuk ka dyshim që sot njerëzit që dalin në protestë nuk e duan qeverinë, nuk e pëlqejnë Edi Ramën, duan ta rrëzojnë atë, madje sa më shpejt.
Kjo është realisht opozita, kjo është realisht ajo që në antikitet quhet “Agora” e sot quhet “revolucion”, por lënë anash terminologjinë ku do të hasësh shumë filozofë rezistencash, edhe pse nuk kanë bërë asnjë rezistencë por kanë pasur vetëm asistencë, në thelb, reagimi, protesta është e qartë që sjell kundërshtarët më të thekur të një qeverie. Edhe protestat e këtyre ditëve, nuk ka asnjë dilemë që janë shesh i atyre që janë mërzitur me qeverisjen e gjatë të PS-së dhe Edi Ramës, janë të frustruar, e duhet të krijojnë kushtet, gjasat, mudnësitë për të sjellë një ndryshim politik në vend.
Krejtësisht legjitime, krejtësisht dialektike, krejtësisht demokratike, e madje Perëndimore. Por çndodh tek ne? Përveç “sulmit mik” për xhelozi e zili për atë se kush është organizatori dhe pse nuk i takon atij, pra një përplasje mes palëve që hiqen si organizatorë, ka edhe një zhvillim edhe më të çuditshëm. Që nuk është i tillë, madje këtu është thelbi. E këtu realisht bëhet një dallim se ku “fle lepuri”. Mjafton të shikohet faqja në Facebook e ambasadës amerikane në Tiranë.
Para pak kohësh, është postuar një zhvilllim që nuk ka lidhje me politikën. Krejt uhstarak dhe operacional në lidhje me ngritjen e Shtabit të Përgjithshëm të Trupave Speciale të NATO-s në Shqipëri.
Ja teksti i njoftimit të ambasadës amerikane në Shqipëri: “Gjeneral Majori amerikan David Tabor, Komandant i Komandës së Operacioneve Speciale të Shteteve të Bashkuara të Amerikës në Europë, u takua sot me Komandantin e Forcave Tokësore Shqiptare, Gjeneral Brigade Arben Kingji në Zall-Herr. Ata diskutuan mundësitë e ardhshme të trajnimit ushtarak në rajon të cilat tregojnë marrëdhëniet tona të forta dypalëshe dhe ndoqën komandot e Forcave të Operacioneve Speciale Shqiptare teksa kryen një provë taktike për të shfaqur aftësitë e tyre”.
E, pikërisht edhe në këtë postim, siç ndodh në të tjerat me radhë, njerëz që identifikohen si përfaqësues të foltores mërziten me shpeshtësinë që postimet e SHBA i dalin në telefon. Pasi kanë marrë si detyrë që të ndjekin e komentojnë. Ca shajnë e fyejnë pa asnjë kufi, të tjerë ankohen se po ja kalojnë edhe Edi Ramës.
“Esht bo ambasada amerikane si selia ps sa here behen protesta nxjerin 20 statuse ne dite ne fb yttttt kolere”, thotë njëri që natyrisht është jo vetëm përkrahës i foltores por edhe i protestave për naftën. Siç natyrisht ka edhe të tjerë që siç kanë dalë në media, nuk kanë lidhje me vështirësitë e tyre ekonomike për naftën. Megjithatë protesta është e drejta e gjithkuj, edhe atij që s’ka makinë, edhe atij që atë e ka 200 mijë euroshe,
Po ç’lidhje kanë protestat në oborrin e SHBA me naftën e çmimin e naftës? Asnjë! Ata kanë lidhje thjesht me një logjikë në kokën e Sali Berishës që synon vetëm një shënjestër dhe armik, që nuk është as Edi Rama e as Lulzim Basha.
E këtu është përqendruar protesta e fortë, që natyrisht vjen paralel me njerëzit e tij që dalin në televizione, që janë të njohur si pjesë të dhunës së 8 janarit. E pikërisht, në këtë rast, kjo protestë, pra tek oborri virtual-zyrtar i SHBA, nuk ka asnjë lidhje as me çmimin e naftës, e as me qeverinë shqiptare. Janë gjëra krejt të ndryshme…/ Gazeta Tema
Komente
Lajme të tjera
-
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Protesta në kryeqytetin e Sirisë, shkak djegia e pemës së Krishtlindjes (VIDEO)
24 Dhjetor, 12:54 -
Lutfi Dervishi: Bllokim rrugësh apo hapje shtigjesh…
23 Dhjetor, 20:22
-
Kreshnik Spahiu: Kërkojnë qeveri teknike apo bashki teknike?
23 Dhjetor, 19:39
-
Dështimi i protestës së militantëve të Berishës para Ambasadës shqiptare në Londër, marrin pjesë vetëm 20 persona (VIDEO)
23 Dhjetor, 19:25 -
Protesta/ Gjekmarkaj humb ndjenjat dhe rrëzohet në tokë! Kryetari i PD: E goditën efektivët! Reagon policia: Berisha gënjen (VIDEO)
23 Dhjetor, 18:54 -
Skënder Minxhozi: Krizë trafiku dhe…TikToku, jo krizë politike
23 Dhjetor, 18:48
-
Ylli Pata: Nga sheshet plot, te bllokimi i rrugëve, diferenca e opozitës serbe me atë të Berishës
23 Dhjetor, 17:35
-
Protestat në Beograd kundër qeverisë, Vuçiç akuzon studentët: Po paguheni nga Perëndimi
23 Dhjetor, 08:32 -
Ylli Pata: Pse Berisha zgjodhi të bllokojë rrugët para Krishtlindjeve?
21 Dhjetor, 18:24
-
Ylli Pata: A do pranohet nga socialistët, propozimi i SHBA për zgjatjen e mandatit të prokurorëve të SPAK?
20 Dhjetor, 19:33
Shqiptarët në protesta I nxorri I njejti faktor që sot jane vetëm 1 milion shqiptar në shqiperi ! Shumë njerez pa llogjike duhen akuzuar për tradhti kombetare nje nder keto jane edhe keto që bejne keto pyetje ! Shqiptari do stil që të kuptohet sepse rri urte por për një “plesht” e djeg jorganin!
PërgjigjuSa here qe politika fut hunde ne protesta keto jane te destinuara te deshtojne. Vetem shpellaret shpresojne te NON GRATA se jane derra te trashe.
PërgjigjuOr idiot, protestat vijne si rezultat i lidhjes se qeverise me oligarket. I ka ardhur njerezve ne maje te hundes me ate idiotin e gjate. Sigurisht qe opozita do mundohet ta shfrytezoje kete pakenaqesi te popullit.
PërgjigjuBesoj qe duhet te thuash,kush i nxorri ne shesh babalet,,,,jo shqiptaret Priza e putankes se Rusise,i nxorri, atje mbahet shpresa e tyre.
Përgjigju