Imazhi i autokolonave të protestuesve me makina të zeza nga rrethet, është në fakt, brendi real i gjendjes së Partisë Demokratike të vulës që drejtohet nga Sali Berisha.
Një tregues mbi gjendjen reale të forcës politike, e cila nga mbështetësit mediatikë të saj konsiderohet shumicë në raport me grupimin e Lulzim Bashës.
Në të vërtetë, situata kur protestuesit apo tubuesit merren nga rrethet, pasi në Tiranë nuk kanë mundësi të mbledhin më shumë se një grusht njerëzish, është zhvillimi politik real në opozitë.
Ajo që ka ndodhur pas zgjedhjeve të vitit 2021 dhe posaçërisht pas shpalljes Non Grata të Berishës, është që strukturat e Partisë Demokratike e pësuan të parat dëmin e “luftës civile”.
Pjesëmarrjen në protesta, tubime, apo aktivitete të ndryshme politike, nuk e kryejnë njerëzit e paangazhuar apo votuesit, elektorati në përgjithësi, por strukturat e organizuara të militantëve. Kjo ndodh jo vetëm tek ne por në të gjithë botën.
Dalja e deputetëve të PD-së nëpër rrugë duke shpërndarë fletushka e përcjellja e tyre nëpër rrjete sociale tregon derexhenë reale të strukturave. PD ka qenë historikisht një parti elektorale, e jo një strukturë organizative piramidale siç është Partia Socialiste në bazë.
Megjithatë, në historikun e protestive të saj, ka treguar se ka basene të rëndësishme militantësh që u kthyen në protestues “profesionistë”. Dikur Sali Berisha ka deklaruar se e rrëzon qeverinë vetëm me demokratët e Bushatit dhe Mamurrasit.
Sot PD-ja e Sali Berishës nuk ka struktura, por vetëm deputetët që për tu vendosur në listën e Berishës në vitin 2025, janë kthyer në organizatorë eventesh dhe protestash. Këto aktivitete realisht, në një forcë të madhe politike, i organizojnë strukturat e bazës, që kështu testojnë dhe afrojnë mes njëri-tjetrit anëtarët. Të cilët janë të domosdoshëm jo vetëm në protesta, porn ë fushatat zgjedhore, kur makineritë e partive tregojnë dhëmbët dhe mobilizojnë votuesit.
Po ku janë realisht anëtarët e PD-së sot, përkatësisht militantët e saj në Tiranë, ku kjo parti ka marrë thuajse gjysmën e deputetëve historikisht? Logjika e ikjes jashtë vendit të gjithë militantëve të opozitës është një legjendë urbane. Votat e zgjedhjeve të 2021 tregojnë qartësisht se përkrahësit janë. Por thjesht ata e kanë bojkotuar kastën drejtuese të opozitës, duke nisur nga Sali Berisha e sidomos deputetët. Të cilët thuajse të gjithë janë kundërshtuar nga degët ekzistuese të PD-së në shumicën e bashkive në vend, e që janë atashuar me grupin e Lulzim Bashës të paktën deri dje./TemA
Komente
Lajme të tjera
-
Berisha mori në mbrojtje Belerin, mbështetësit komentues e 'masakrojnë' në FB: Turp, ai është antishqiptar, po gërryeni PD-në me mbrojtjen e tij!
30 Tetor, 15:05 -
Ylli Pata: Pse PD e ka “harruar” Ilir Metën?
29 Tetor, 21:13
-
Jakin Marena: Berisha ‘lojë’ mes Metës e Kryemadhit dhe ‘koncidenca’ Durim Bami
29 Tetor, 20:41
-
Namir Lapardhaja: Halli personal i Berishës e shndërroi PD-në një parti ku mbizotëron budallai i dobishëm
29 Tetor, 10:05
-
Ylli Pata: Pse Ilir Meta e quan veten si Aldo Moro? Po cili ishte 'kompromisi historik i Likes'?
29 Tetor, 08:02
-
Hetimet për 21 janarin, avokati Beqiri në Report Tv: Masakër shtetërore, Berisha zhduku provat! Më në fund do përballet me drejtësinë
28 Tetor, 19:35 -
Artur Ajazi: Mosbindje civile, apo mungesë qytetarie
28 Tetor, 18:35
-
Meta në burg, Ngjela për Report Tv: SPAK po godet në nivelet e larta! Shqiptarët s'e duan korrupsionin, s'pati revolta për arrestimin e dy liderëve të opozitës
28 Tetor, 18:28 -
‘Aleanca kundër SPAK’, Basha: Pasi amnistuan ‘bishtat’ e korrupsionit, tani po përgatiten të amnistojnë ‘kokat’ e pandëshkuara të 34 viteve
28 Tetor, 16:32 -
Meta dhe Berisha nën hetim nga drejtësia, Shehi në Report Tv: Do bashkohemi në një grupim pa ata! SPAK po punon! Ja pse nuk jam për mosbindje civile
28 Tetor, 14:36 -
Berisha propozon të zhbëjë sistemin e ri të drejtësisë: SHBA e BE të heqin dorë! Të angazhojmë Komisionin e Venecias për rishqyrtim tërësor
28 Tetor, 13:04 -
Berisha 300 ditë në 'arrest shtëpie', sulmon Ramën, Ndërkombëtarët e SPAK: Më arkivuan në banesën e harresës!
27 Tetor, 21:01
Analize e sakte. Objektivi i protestes presioni SPAK per te liruar Berishen. Pjesemarrje e detyruar! Destsbilizimi qellimi kryesor. Samiti i Natos e tha qarte qe jemi per stabilitet ne Ballkan. Non gratat nuk mund te jene ne balle te PD dhe te protestes ndaj qeverise.
PërgjigjuZoti pata e vërteta që Shqipëria ishte në këmbë dhe është se pari gjendja ku e ka çuar rregjimi në fuqi vendin dhe situatën gjendja ekonomike në kolapse total perzenia e shqiptarëve nga vendi krimi i organizuar i lidhur me pushtetarët korrupsioni galopante dhe lidhja e kësaj qeverie me Meg gonigal me coldean me sinoloa të Meksikës dhe me shumë të tjerë skandali në onkologjik dhe në shumë të tjerë përdoren spaku për të burgosur liderin e opozitës dhe krerët e partive opozitare turpe të japin dorëheqjen dhe të pranojnë qeverinë teknike të lirojnë liderin e opozitës sepse nuk ka asnjë akuzë deri tani dhe vendi të kalojë në zgjedhje të lirë së fundmi ka folur sovrani dhe dhe ai vendos okej bëjnë mirë mos t'a agravojne situatën me shume
PërgjigjuQë kjo të vërtetohet duhet që të dalë populli në protestë të kërkojë Berishën në burg jo shtëpi si do Rama.
Përgjigju