POP 5

Lajmet më të lexuara të 5 minutave të fundit

Opinion

Ylli Pata: Pse ranë 'Të Paprekshmit'?

Ka një naracion nga njerëzit pro Berishës dhe Metës, për të treguar se logjika e reformës në drejtësi është sjellë nga Perëndimi në Ballkan për të hequr ata që ata i quajnë “kokorroçë”. Dmth që kanë mendimin e tyre. Por në fakt, si Berisha e si Meta nuk kanë pasur asnjë kudnërshtim ndaj politikave perëndimore, vetëm kur aleatët kërkuan luftimin e korrupsionit.

Ylli Pata: Pse ranë 'Të Paprekshmit'?

Ilir Meta dhe Sali Berisha

Sot foli vetëm Romana Vlahutin, por gjasat janë që të flasë edhe Donald Lu. Dy ambasadorët e parë të SHBA e BE-së që përkrahën reformën në drejtësi në Shqipëri, e folën për të “Të Paprekshmit”.

Madje Donald Lu, si një kinofil i njohur, e ilustroi idenë e tij me kryeveprën kult të Brian de Palma-s, ku luajnë pjesë nga ajka e artit të shtatë botëror. Bëhej fjalë për “Të paprekshmit”, ku tregohet jo thjesht historia e arrestimit, por e dërgimit në gjyq e më pas arritjes së rrëzimit të mburojes për një nga njerëzit më të fuqishëm të fillim shekullit-gangsterit të Cikagos, Al Kapones.

Metafora e Donald Lu, ishte një stilemë, pore dhe symbol. Ishte një concept politik për të treguar, se nuk duhet të ketë njerëz që janë të paprekshëm nga ligji. Kur e pyetën atë në atë kohë, ai përmendi emra baronësh krimi si Shullazi, Kanani e të tjerë, që sot duken shumë të vegjël, por në realitet nuk ishin të tillë. Ishin kozmose kriminale që për vite nuk i prekte kush, e lidhnin marrëveshje me këto kishte pushtetin. Në shifra financiare ishin më të fuqishëm se biznesmenët konvencionale, e në media kishin lidhjet e tyre.

Në logjikë, Donald Lu, kishte të drejtë, edhe pse në mendje nuk kishte baronët e narkotrafikut. Pasi në një vend si Shqipëria, baronët e vërtetë janë lart, shumë lart.

Nga metafora kinematografike e Donald Lu-së, u tronditën vetëm dy vetë: Sali Berisha dhe Ilir Meta. Të cilët, jo vetëm që dolën kundër reformës në drejtësi, po nuk lanë gjë pa thënë ndaj dy ambasadorëve. Madje e ndoqën deri edhe në Kirgistanin e largët, kur Donald Lu-ja i shkretë ishte në punë e qejf të vet,

Ka një naracion nga njerëzit pro Berishës dhe Metës, për të treguar se logjika e reformës në drejtësi është sjellë nga Perëndimi në Ballkan për të hequr ata që ata i quajnë “kokorroçë”. Dmth që kanë mendimin e tyre. Por në fakt, si Berisha e si Meta nuk kanë pasur asnjë kudnërshtim ndaj politikave perëndimore, vetëm kur aleatët kërkuan luftimin e korrupsionit.

Nga ana tjetër, të gjithë të akuzuarit, të arrestuarit, apo të dënuarit në Ballkan për korrupsion, asnjëherë nuk sulmuan drejtësinë, perëndimin e Ambasadorët. Ivo Sanader, Nikolla Gruevski etj, edhe pse u arratisën nga vendi, nëthelb përballuan gjyqin me avokatët e tyre, derisa u dënuan. Pra një betejë e bënë, e nuk dolën kundër drejtësisë.

Berisha e Meta, janë të vetmit, që e quajnë këtë drejtësi, sit ë bërë për t’i dënuar ata. Po mirë, po pse nuk e përballojnë këtë drejtësi, kur në të shkuarën këtë e kanë bërë edhe anëtarët e Byrosë Politike të PPSH-së.

A kanë këta pasuri të madhe? Kanë! E kanë fituar në mënyrë të ligjshme? Ta shpjegojnë, në gjykatë. Por gjithë këtë zallamahi me zjarr e me bomba gjithë këto vite e kanë bërë që të mos vijë kjo ditë, ndaj u quajtën “Të Paprekshëm”. Në realitet Donald Lu e Romana Vlahutin nuk i përmendën fare, ër vetëm këtyre ju dogji miza nën kësulë e nuk lanë gjë pa i thënë atyre.

Po të ka faj Lulka?

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Po mër po: 22/10/2024 02:24

    Para se të binin, dikush i mbante lart, apo harrove.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Vigjilje Krishtlindjes/ Besimtarët kremtojnë lindjen e Krishtit në kishën e Shna Nojt Laç

Vigjilje Krishtlindjes/ Besimtarët kremtojnë lindjen e Krishtit në kishën e Shna Nojt Laç

24 Dhjetor, 20:06