Nxitimi i Gaz Bardhit për të komanduar lidershipin e komanduar të Partisë Demokratike pas largimit të Lulzim Bashës, nuk ka asnjë kuptim politik. Përveçse për të sistemuar vetë Bardhin e Jorida Tabakun, që kanë mbetur në një udhëheqje që prej kohësh nuk eksizton më, lidershipi i vjetër nuk ka asnjë kartë përfaqësimi të demokratëve.
Pas zgjedhjeve të 6 marsit 2022, shpërtheu një histeri nga një grup drejtuesish të PD-së kundër Lulzim Bashës, duke u mbështetur tek një argument apo qëndrim, i cili nuk kishte fundament.
Sipas atij grupi që pjesën më të zhurmshme pati Grida Dumën e Ervin Saljanjin, Lulzim Basha duhej të largohej për arsye se ikja e tij do të ndihmojë bashkimin e demokratëve që u ndanë pas shpalljes Non Grata të Sali Berishës, e sidomos pas daljes së foltores.
Foltorja e Berishës, ka qenë që në momentin e parë që ka dalë një grup politik që kërkonte të merrte pushtetin në PD, por asnjëherë nuk guxoi të vepronte brenda suazave staturore e rregullave të partisë më të madhe të opozitës. Siç ka ndodhur gjithmonë me Sali Berishën, ai rregullat i konsideron si instrumente të synimeve të tij, pra një llastik që hapen e mbyllen sipas midesë, e jo kufij ku nuk mund të kalohen.
Të gjitha hapat organizativ që ka bërë Foltorja e Berishës kanë qenë devijim, shkelje e kapërcim të rregullave dhe institucioneve të PD-së. Nga fillimi e në fund. Duke u arritur deri aty, sa më 6 mars 2022, Foltorja, pra Berisha me pasuesit, vendosën që nën një sigël elektorale me emrin e Monika Kryemadhit, të dilnin kundër PD-së në zgjedhje.
Në çdo parti a subjekt politik botëror, kjo nuk quhet gjë tjetër veçse një rrugë e re politike, e nuk ka lidhje me një fraksion apo grupim korrentesh brenda partisë. Në çdo parti normale, ai që del në zgjedhje, pra kandidon kundër forcës politike që i ka takuar, konsiderohet automatikisht i larguar nga ajo pari. E është krejt e qartë, pa pasur nevojë edhe për vendime shtesë.
Megjithatë, drejtuesit e PD-së, pas 6 marsit i kërkuan Lulzim Bashës të bëjë një hap pas, duke e konsideruar një shkak që pengon bashkimin e demokratëve. Siç dihet Basha iku, por bashkimi i demokratëve nuk ndodhi. Sepse Sali Berisha, donte thjesht të merrte drejtimin e PD-së, ku mënjanoi mjaft aspirant që i kishte pëlqyer foltorja si trampolinë. Evi Kokalari është vetëm njëra e më e njohura, pasi aty ka pasur shumë që janë zhgënjyer.
Gjithsesi, pas ikjes së Lulzim Bashës, dy ishin institucionet që u ruajtën në PD. Lidershipi i komanduar dhe ai i grupit parlamentar, që përfaqësoheshin nga Enkelejd Alibeaj dhe kolegji i kryetarëve, që përbënin dhe strukturën më solide në territor.
Tashmë është e qartë se një grup i madh deputetësh e ka humbur lidhjen me territorin dhe kanë tentuar që të lëvizin në lobe pushteti për të siguruar rikandidimin e tyre në zgjedhjet e ardhshme. E kështu nisi një lëvizje fluide e parlamentarëve të PD-së herë me foltoren, herë me PD zyrtare, ç’ka krijoi një kaos për një kohë të gjatë. Por zgjedhjet e 14 majit, e ndanë me thikë situatën.
Kryetarët e PD-së, së bashku me pak vetë në kryesi, kërkuan që partia të përfaqësohej në zgjedhje me kandidatë në të gjitha bashkitë. Kjo nuk u pranua, pasi pjesa më e madhe e kryesisë, ku Gazmend Bardhi e Jorida Tabaku ishin zëdhënës, kërkuan që PD të përkrahte kandidatët e foltores. E më 14 maj, version i Gaz Bardhit e Jorida Tabakut humbi ndjeshëm. Kryetarët e degëve të PD-së, bashkë me bërthamën që kërkonin kandidimin arritën të siguronin më shumë se 100 mijë vota mbijetese për PD-në.
Bardhi nuk ka kuptim që pas kësaj humbjeje politike të opsionit të tij të drejtojë apo edhe të jetë regjencë e një partie, ku nuk e do asnjëri. Ndërkaq, edhe në grupin parlamentar, mund të vendoset si përfaqësues një deputet me autoritet të lartë intelektual, i cili së paku nuk është përfshirë në dy grupet. E dy nga këta janë ose Agron Gjekmarkaj ose Flutura Açka.
Ose të zgjidhet nga kolegji i kryetarëve që tashmë është forumi politik që arriti të mos e shuajë PD-në në zgjedhjet që u rrezikua nga ithtarët e një bashkimi fals, që realisht përbën një nënshtrim ndaj Sali Berishës.
Lajme të tjera
-
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Dosja Partizani/ Berisha 326 ditë 'burg' në shtëpi, Bardhi i del në krah, i kërkon GJKKO-së: Hiqni 'arrestin shtëpiak'! Kryetari i PD-së mbrojti Kushtetutën, po e pengoni për fushatën
22 Nëntor, 12:02 -
Buxheti 2025/ PD propozon 28 Amendamente: Minimumi jetik 200 euro, rritje e pensioneve dhe shtim i fondeve te Onkologjiku (E PLOTË)
21 Nëntor, 15:55 -
E akuzoi se e emëruan bandat, ish-drejtori i Policisë së Shkodrës padit Gazment Bardhin për shpifje
21 Nëntor, 09:32 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
-
Përplasje te ‘Mandatet’/ Opozita kërkon heqjen e mandatit, Vullnet Sinaj: Shpifës, ke gëlltitur një lugë çorbë të prishur e do vjedhësh gjithë jetën! Bardhi: Ke futur duart në buxhet
20 Nëntor, 12:38 -
Ylli Pata: Kush ka faj për tragjedinë e 'Fan Nolit'?!
19 Nëntor, 20:56
-
Parlament/ Tabaku: Ky është buxheti i fundit i socialistëve, 95% e shqiptarëve janë varfëruar! Buxhet diskriminues veri-jug, PD prezanton javën tjetër 19 amendamente
19 Nëntor, 20:25 -
Vrasja e 14-vjeçarit, tensione në Kuvend/ Bardhi sulmon Manastirliun: Ja kanë shtruar muhabetit të treja si plakat, ajo është vrasëse! Dogjani: Ngrihuni t’i largojmë këta horra!
19 Nëntor, 18:10 -
Ylli Pata: Buxheti, debati 'normal' në kohë anormale
18 Nëntor, 23:01
