POP 5

Lajmet më të lexuara të 5 minutave të fundit

Kultura

Young, autorja e “Virgjëreshave
të betuara” vjen sot në Tiranë

TAKIMI/ Autorja e “Virgjëreshave të betuara shqiptare”, Antonia Young, sot në orën 11.00 do të ketë një takim me lexuesit dhe mediat në Tiranë. Takimi organizohet nga botimet “Skanderbeg books”.
TIRANE- Autorja e “Virgjëreshave të betuara shqiptare”, Antonia Young, sot në orën 11.00 do të ketë një takim me lexuesit dhe mediat në Tiranë. Takimi organizohet nga botimet “Skanderbeg books”. Albanologia Young do të prezantojë botimin në shqip të kësaj vepre aq të përfolur për gratë që u bënë burra. Ajo do të tregojë si udhëtoi drejt Shqipërisë dhe historive që kanë tronditur pasionet, duke krijuar aureolën ekzotike mbi shqiptaret e veriut të Shqipërisë.

Ajo e kishte lexuar më thellë fenomenin e “virgjineshave shqiptare” – pjesë e librit – nga studimet e Edith Durham. Autorja Yong pas kwsaj ka shfrytëzuar një literaturë të gjerë për udhëtimet nëpër Shqipëri, pjesa më e madhe janë shkruar herët nga udhëtarë të huaj që kanë vizituar zonë  e Shalës në veri në shekullin e nëntëmbëdhjetë dhe njëzet, e deri në fillim të Luftës së Dytë Botërore. Këtu përfshihen punë studimore dhe vepra nga personalitete të shquara si Lord Bajron, Eduard Lir, etj. Fenomeni i njohur i ‘virgjineshave’ ishte synuar tw zhdukej nën regjimin komunist.

Së paku kështu raportohej, por Young është befasuar kur ka mësuar se ky fenomen ekzistonte, ku shumica e këtyre burrneshave, jetonin në veri dhe shumë më pak në jug.  “Madje u tronditëm kur morëm vesh se ky fenomen vetëm 150 km larg nga kryeqyteti i Shqipërisë, ishte krejt i padëgjuar. Kjo shpjegonte, nga njëra anë, një shpërfillje ndaj qytetërimit, që i nxiste shqiptarët të pranonin mbijetesën e zakoneve, dokeve, nga anën tjetër, se fenomeni jetonte pa u shfaqur fare dhe se kjo pjesë e Evropës po i nënshtrohej një ndryshimi të thellë dhe të shpejtë, që dukej se me shumë gjasa do t’i transformonte të dyja, kontekstin dhe ekzistencën e qartë të këtij fenomenit që përshkruhet në këtë studim”, shprehet autorja, e cila ka si qëllim që me këtë libër të memorizojë fenomenin unik të ‘burrneshave’ shqiptare. 


Shkrimi u botua në Shqiptarja.com (print) në 3 Korrik 2014

Redaksia Online
(d.a/shqiptarja.com) 
 

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Ardian Vehbiu: Histeria ndaj kryepeshkopit Anastas

Ardian Vehbiu: Histeria ndaj kryepeshkopit Anastas

28 Janar, 21:45 nga Ardian Vehbiu