Yuri Kim takon Gent Ibrahimin: KLP të demonstrojë pavarësi dhe integritet! Koha të thyej modelet e vjetra dhe të tregojë guxim

Ambasadorja e SHBA, Yuri Kim, ka folur me tone të forta sot, pas një takimi që zhvilloi me kreun e Këshillit të Lartë të Prokurorisë, Gent Ibrahimin. Me një shënim në Twitter, Yuri Kim shkruan se gjatë takimit theksoi "detyrën kushtetuese" të KLP për të garantuar pavarësinë, llogaridhënien dhe disiplinën e prokurorëve. Sipas ambasadores, KLP duhet të demonstrojë pavarësinë dhe integritetin e vet, t'i rezistojë presionit dhe të japë drejtësi.

Për Reformën në Drejtësi, Yuri Kim u shpreh se progresi nuk është i mjaftueshëm sa të kënaqë njerëzit, ndërsa shton se institucionet e reja gjyqësore duhet të thyejnë modelet e vjetra dhe të tregojnë guxim.

"Takim me Këshillin e Lartë të Prokurorisë për të theksuar detyrën kushtetuese për të garantuar pavarësinë, llogaridhënien dhe disiplinën e prokurorëve. KLP duhet të demonstrojë pavarësinë dhe integritetin e vet, t'i rezistojë presionit dhe të japë drejtësi. SHBA si dhe shqiptarët po shikojnë. Ky është një moment i rëndësishëm për Reformën në Drejtësi, progres i mjaftueshëm për të trembur kundërshtarët, por jo aq sa të kënaqë njerëzit. Institucionet e reja gjyqësore si KLP, në të cilat SHBA dhe të tjerët kanë investuar kaq shumë, duhet të thyejnë modelet e vjetra. Koha për të treguar guxim", shkruan Yuri Kim.

LEXO EDHE:
Sulmet e Metës, deputetja e PS: Shqetësuese! Protesta para bashkisë? Hipokrizi, një grup njerëzish po përdoren për interesa politike

 

TAG:
• reforma ne drejtesi
• KLP
• Yuri Kim