Yuri Kim takon gjyqtarët e GJKKO-së:  Shqipëria s’ka parë kurrë që zyrtarët e lartë të shpallen fajtor! Kriminelët po e ndjejnë presionin, rezistoni

Ambasadorja amerikane Yuri Kim ka takuar gjyqtarët e Gjykatës së Posaçme të Shkallës së Parë. Sipas diplomates amerikane vendimet e tyre kanë rritur besimin tek institucionet e drejtësisë, ndërsa shtoi se kjo është një kohë kritike për Reformën në Drejtësi, pasi kriminelët po ndjejnë presionin.

Ambasadorja i përgëzoi gjyqtarët për punën e palodhur dhe përkushtimin e tyre, veçanërisht ndërsa Gjykata nuk është plotësuar ende me 16 gjyqtarët e nevojshëm dhe ka një numër gjithnjë e më në rritje të çështjeve.

“Vendimet tuaja kanë rritur besimin e publikut tek institucionet e drejtësisë, u mundësuan partnerëve ndërkombëtarë që të fillojnë sërish t'u besojnë homologëve shqiptarë dhe më e rëndësishmja, u thanë njerëzve të këqinj se ligji po funksionon. Shqipëria nuk ka parë kurrë që zyrtarë të tillë të lartë të shpallen fajtorë me vendime përfundimtare. Kjo është një kohë kritike për reformën në drejtësi. Kriminelët po e ndjejnë presionin. Kjo do të thotë se përpjekjet e tyre do të jenë edhe më intensive dhe ju duhet të rezistoni. Shtetet e Bashkuara të Amerikës dhe populli shqiptar nuk duan që gjykata të kthehet në mënyrat e vjetra. Le të sigurohemi që ato kohë të mbeten në të kaluarën, njëherë e përgjithmonë”, u tha Ambasadorja gjyqtarëve.

LEXO EDHE:
I kërkuar nga operacioni 'Revanshi' për grup kriminal, ekstradohet nga Gjermania ish-efektivi i RENEA-s Adrian Pikli

Lajmi kryesor:

Kim takon gjyqtarë të GJKKO: Kriminelët po e ndjejnë presionin! Rezistoni! Shqipëria s'kishte parë kurrë zyrtarë të lartë fajtor me vendime përfundimtare

M.Q./Shqiptarja.com

TAG:
• reforma ne drejtesi
• GJKKO
• Yuri Kim
• spak
• Irena Gjoka