Zëvendëskryeministri i Kosovës
flet për strategjinë e re të BE

Zëvendëskryeministri i Kosovës, Enver Hoxhaj, ka thënë se me Strategjinë e re për zgjerim të Bashkimit Evropian, Serbia obligohet ta njohë Republikën e Kosovës.

Ai ka theksuar se ky dokument, përveçse e sheh Kosovën pjesë të politikës së zgjerimit të BE’së, ofron edhe një qartësi të procesit të dialogut me Serbinë.

Hoxhaj ka thënë për “Epoka e re” se pesë vendet anëtare të BE’së, që nuk e kanë njohur Kosovën, kanë ndikuar në këtë dokument.

Zëvendëskryeministri kosovar ka ftuar anëtarët e BE’së, që kanë njohur Kosovën, të mos fshihen pas zërave kundërshtues, por të jenë të qartë për të ardhmen evropiane të Kosovës.

E, teksa ka folur për liberalizimin e vizave, Hoxhaj ka bërë thirrje që të gjendet një zgjidhje e shpejtë konsensuale për demarkacionin me Malin e Zi.

Redaksia Online
A.D/shqiptarja.com