Ndër 115 pyetjet në Barometrin e Sigurisë të CSDG-së (që u bazua në vrojtimin rigoroz statistikor që drejtova unë në gjithë territorin e Shqipërisë në periudhën 6-15 prill), ishin edhe 12 pyetje që lidheshin me qeverinë.
Kështu, pyetjes kryesore rreth vlerësimit të përgjithshëm të punës së qeverisë, vetëm 34% e të anketuarve iu përgjigjën pozitivisht!
Pyetjes “A ndiheni të përfaqësuar nga qeveria në nivel qendror (qeveria dhe ministrat)?”, vetëm 34.6% e të anketuarve iu përgjigjën pozitivisht. Ndërkohë, vetëm 26.4% e të anketuarve mendojnë se qytetarët shqiptarë kanë ndonjë ndikim në ato që bën qeveria. Nga ana tjetër, plot 78.2% mendojnë se biznesmentët e mëdhej kanë ndikim në ato që bën qeveria!
Pyetjes “A ofron qeveria mbështetje të mjaftueshme për personat e papunë?”, vetëm 15.5% e të anketuarve iu përgjigjën pozitivisht. Ndërsa tek pyetja tjetër “Si rezultat i politikave qeveritare në 5 vitet e fundit, mendoni se hendeku mes të pasurve dhe të varfërve është bërë më i GJERË apo më i NGUSHTË?”, plot 81.3% anonin nga mendimi se hendeku është zgjeruar. Më tej, vetëm 23.5% anonin nga mendimi se qeveria i merr parasysh nevojat dhe pikëpamjet e qytetarëve të thjeshtë, kur formulon apo ndryshon politikat ekonomike.
Pyetjes “Si i vlerësoni rezultatet e Qeverisë shqiptare në luftën kundër korrupsionit?”, vetëm 17.5% e të anketuarve iu përgjigjën “mirë” ose “shumë mirë”! Ndërkohë, plot 82% mendojnë se qeveritarët shkelin ligjin ose abuzojnë me pushtetin e dhënë (35% “gjithmonë”, 47% “shumicën e kohës”). Dhe 87% e të anketuarve që mendojnë kështu, thonë se zyrtarët qeveritarë që kryejnë krime mbeten pa u ndëshkuar!
Animi pozitiv për punën e qeverisë në sektorë të ndryshëm ishte gjithashtu në nivele të ulta. Konkretisht, te Punësimi 16.3%, te Bujqësia 17.9%, te Ekonomia 19.1%, te Arsimi 33.7%, te Shëndetsia 36.3%, dhe te Rendi Publik 47.2%. Vetëm te Turizmi puna e qeverisë merrte pikë të larta – 72.5% e të anketuarve anonin nga vlerësimi pozitiv për punën e qeverisë në këtë sektor.
Duke parë që pothuaj për çdo pyetje në lidhje me qeverinë, konstatohet një nivel i lartë ose shumë i lartë pakënaqësie e shqiptarëve të këtushëm, do të ishte e pritshme që dhjetra mijra ta mbushnin sheshin para Parlamentit të enjten e shkuar, kur Berisha bëri thirrje për një protestë madhështore. Në fakt, realiteti ishte krejt ndryshe – në shesh kishte më shumë policë që mbronin Parlamentin, se sa protestues para tij…
Po mos ndoshta qytetarët kanë frikë të dalin të protestojnë kundër qeverisë? Barometri i Sigurisë tregon të kundërtën – vetëm 16.5% e shqiptarëve të këtushëm kanë bindjen se qytetarët që dalin në protesta mund të kenë raprezalje nga qeveria.
Po Basha, Shehaj, Lapaj, Qorri e të tjerë politikanë opozitarë, përse nuk u bëjnë thirrje dhjetra mijra ndjekësve të tyre nëpër rrjetet sociale, që të dalin të protestojnë në shesh kundër qeverisë, meqë ekziston një pakënaqësi e madhe ndaj saj? Siç duket ata e ndjejnë që nuk frymëzojnë dot një lëvizje masive proteste, dhe mjaftohen me ndonjë kuvend partiak nëpër salla të mbylluara…
Në fakt e gjithë opozita perceptohet si anemike – nga një sondazh që zhvillova në mes të majit për Report TV, rezultoi se vetëm çereku i shqiptarëve të këtushëm anonin nga vlerësimi pozitiv për aktivitetetin e partive opozitare në përgjithësi. Shumë pak, kur nga ana tjetër, vetëm 34% kanë vlerësim pozitiv për punën e qeverisë!
SHËNIM: Vrojtimin rigoroz statistikor për Barometrin e Sigurisë të CSDG-së e kryem nga Konispoli në Vermosh me anketime nga 34 anketues profesionistë. Kampioni i përzgjedhur u ripeshua statistikisht, për ta përfaqësuar sa më mirë popullsinë e rritur të vendit gjeografikisht, demografikisht dhe politikisht.
Lajme të tjera
-
Shqipëria mbyll TikTok për 1 vit, reagon kompania kineze: Presim sqarime! Dy adoleshentët s'kishin llogari tek ne
22 Dhjetor, 06:59 -
Lezha si asnjëherë tjetër për fundvitin, Rama: Aty ku simboli i Betlehemit është ngritur për herë të parë, pranë ‘Fshatit të festave’ (VIDEO)
21 Dhjetor, 21:59 -
Mero Baze: Pse Flamur Noka po betohet se 'nuk merret peng'?
21 Dhjetor, 20:38
-
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Mediat ndërkombëtare jehonë lajmit për mbylljen e TikTok në Shqipëri
21 Dhjetor, 19:10 -
Ylli Pata: Pse Berisha zgjodhi të bllokojë rrugët para Krishtlindjeve?
21 Dhjetor, 18:24
-
Protesta e opozitës të hënën/ Zbardhet ‘skenari’, rrugët do të bllokohen! Berisha i pranishëm për herë të parë pas lirimit nga 'arresti shtëpiak'
21 Dhjetor, 17:51 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë
21 Dhjetor, 15:36 -
TikTok do mbyllet për 1 vit në Shqipëri, Rama: Rrugaçëri, promovon dhunë e krim! Institut për fëmijët në konflikt me ligjin
21 Dhjetor, 13:17 -
Rama: Ku janë sot përfaqësuesit e UÇK-së që Rexhep Qosja i kërkonte në udhëtimin historik drejt Rambujesë
21 Dhjetor, 13:11 -
Kur Sali Berisha thoshte në Parlament: Nëse dëshironi ua sjell edhe këtu Damir Fazlliç
21 Dhjetor, 11:11
