Zaptimi i plazheve publike, ministri Balla: Vija bregdetare është pasuri kombëtare dhe i takon popullit e jo abuzuesve

Ministri i Brendshëm Taulant Balla ka përshëndetur aksionin e Policisë së Shtetit për lirimin e hapsirave bregdetare publike të zaptuara nga të ashtëquajturit pronarë të plazheve.

Përmes një postimi në rrjetet sociale Balla shprehet se Policia e Shtetit po bën detyrën ndaj vendit e pushuesve dhe do të garantojë “plazhe të lira” në të gjithë vijën bregdetare duke theksuar se kjo pasuri kombëtare i takon popullit dhe jo abuzuesve të çdo kategorie.

“Pushtimi i plazheve apo hapsirave bregdetare publike nga individë që shkojnë e vendosin çadrat dhe ulëset e tyre, pa asnjë lloj lejeje dhe kontrate me shtetin, është një fenomen në zhdukje, por ajo që më habit është guximi i ndonjërit që mendon se nuk e shohim. Policia e Shtetit po bën detyrën ndaj vendit dhe pushuesve dhe do të garantojë “plazhe të lira” në të gjithë vijën tonë të bukur bregdetare. Kjo pasuri kombëtare i takon popullit dhe pushimet u takojnë njerëzve, jo abuzuesve të çdo kategorie”, shkruan Balla.

LEXO EDHE:
Para turit me diasporën, PS riorganizohet brenda vetes! Më 10 dhe 11 maj, anëtarët zgjedhin me votë delegatët

 

M.T/Shqiptarja.com

TAG:
• plazh
• sezoni turistik
• taulant balla