Zarfet amerikane për Shqipërinë,
në ‘44-n s’njihej Enver Hoxha

TIRANE- Në këto foto do të shihni pullat dhe zarfet postare të botuara dhe qarkulluara nga Qeveria e Shteteve të Bashkuara të Amerikës në vitet 1943-1944 për Shqipërinë. Për filatelistët profesionistë dhe amatorë këto pulla gjenden në internet me emërtimet përkatëse të mëposhtme: 1943/44 U.S. Overrun Nations (Albania) Plate Block (4) Scott 918 Mint F/VF NH Scott #918 A SALUTE TO ALBANIA 11/09/43 FDC* Block of 4 5c Stamps. ËDC Frank ALBANIA, Overrun Country in Ëorld Ëar II, # 918 Red ALBANIA FLAG, 1943 FDC.

Shënimet në këto pulla janë kontradiktore dhe historia përshkruhet jo në mënyrë reale, por sipas opinioneve të ndryshme ndërkombëtare. Të habit fakti sesi dita e pushtimit fashist, e premtja e 7 prillit quhet “e premte e mirë”. Shënimi në zarfin përkatës ku shihen simbolet e fashizmit dhe harta e Shqipërisë së Madhe përkthehet:  Një përshëndetje drejt Shqipërisë. Ne nuk do ta harrojmë të Premten e Mirë të 1939.” Në një tjetër zarf të ardhur nga Uashingtoni, përkthimi i shënimit poshtë pamjes është: “Shqipëria, vendi i malësorëve luftarakë, një pikë kyçe në Adriatik”. Njëri nga këto zarfe shënon edhe ditën e parë të qarkullimit të pullave dhe zarfeve amerikane për Shqipërinë, që daton më 9 nëntor të vitit 1943.

Shënimi mbi flamurin shqiptar përkthehet: “Faqja e zarfit në ditën e parë të qarkullimit”. Ka zarfe që shprehin edhe unitetin mes Amerikës dhe Shqipërisë. Njëri nga këta mban datën 9 nëntor të ‘43-shit, ku duket shënimi poshtë shqiponjës dykrenore që përkthehet: Shqipëria - Shtetet e Bashkuara nderojnë vendet e pushtuara të Europës. Ndërsa habinë më të madhe ta shkakton njëri nga zarfet ku meritat e çlirimit të Tiranës ia japin partizanëve jugosllavë dhe marshall Titos. Përkthimi i shënimeve në zarf është: “18 Nëntor 1944. Marshalli Tito. Kryeqyteti i Shqipërisë u çlirua nga partizanët jugosllavë.”


























































Shkrimi u botua në Shqiptarja.com (print) në 30 Gusht 2014

Redaksia Online
(d.a/shqiptarja.com)