POP 5

Lajmet më të lexuara të 5 minutave të fundit

Ekonomi

Zbardhet skema, të pasurit
5 herë më shumë taksë shëndeti

Paketa fiskale, që po përgatit ministria e Financave për vitin e ardhshëm, përfshin, jo vetëm rritje të taksimit të shqiptarëve me të ardhura më të larta për pagat që marrin.
Zbardhet skema, të pasurit<br />5 herë më shumë taksë shëndeti
TIRANE- Paketa fiskale, që po përgatit ministria e Financave për vitin e ardhshëm, përfshin, jo vetëm rritje të taksimit të shqiptarëve me të ardhura më të larta për pagat që marrin. Një barrë e re do të vijë për ta, por dhe për ndërmarrjet që i punësojnë, edhe për siguracionet mbi shëndetin. Sipas burimeve nga grupi i punës pranë këtij dikasteri, që tashmë po u jep dorën e fundit ndryshimeve në akte ligjore e nënligjore, do të hiqet tavani për pagën maksimale të referencës për efekt të pagesës së sigurimeve shëndetësore, kështu që kjo pagesë do të rritet në përputhje me pagën që merr i punësuari.

Aktualisht, i punësuari paguan 1.7 për qind të pagës për sigurimin shëndetësor, ndërkohë që po të njejtin detyrim financiar ka ndaj tij edhe punëdhënësi. Në total, shifra prej 3.4 përqindësh nuk është e lartë, por një rritje e taksimit do të rëndonte sidomos ndërmarrjet që kanë një numër të madh punonjësish dhe ato që japin paga të larta.
Sipas ligjit 7870, paga më e lartë për efekt të pagesës së sigurimeve shëndetësore është caktuar 95.130 lekë në muaj. Deri në këtë nivel, kontributi rritet sëbashku me rritjen e pagës. Por, pastaj “stopon”.

Për shtetin, edhe ai që merr 3 apo 5 milionë lekë të vjetra në muaj ka të njejtin detyrim për sigurimet shëndetësore sa ai që deklaron 910 mijë lekë të vjetra. Kjo barrierë tashmë do të hiqet, sipas draftit, që duhet të kalojë në qeveri dhe Kuvend. Në këtë mënyrë, pagesa do të jetë progresivisht e lirë, duke kaluar, nga 3.234 lekë në muaj për një pagë 300 mijë lekëshe, në 10.200, me një rritje trefish. Ndërsa për një pagë 500 mijëshe shifra kalon nga tavani aktual prej 3.234 lekësh, në 17 mijë lekë në muaj, me një rritje më shumë se pesë herë.   

Deri tani, ishte përcaktuar që paga maksimale për efekt kontributesh të llogaritej sa pesëfishi i asaj minimale. Por këtu përfitonin mjaft pagat e larta, si nivel taksimi.
Një propozim tjetër është ai që të vetëpunësuarit t’i paguajnë kontributet shëndetësore në masën 3.4% të dyfishit të pagës minimale, nga 7% e pagës minimale që paguajnë aktualisht.

Për sa i përket TVSH-së së energjisë elektrike, burimet nga Ministria e Financave bëjnë të ditur se ajo nuk pritet të ndryshojë, duke mbetur “e ankoruar” në 20 për qind, por do të rritet shuma e subvencionimit për shtresat në nevojë. Ndërkombëtarët mbeten gjithnjë kundër ndryshimeve të Tatimit mbi Vlerën e Shtuar, ku i vetmi ndryshim që duket se është pranuar deri tani ka të bëjë me TVSH-në e ilaçeve, që rikthehet në zero, si ka qenë para se ta ndryshonte qeveria Berisha, e cila e ngriti në nivelin 10%.

taksat, skema

Shkrimi u publikua sot (30.11.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

VIDEOLAJM/ Dita e Pavarësisë, 112-vjetori festohet edhe në Fier! Qytetarët me flamuj kuq e zi paradë në qendër të qytetit

VIDEOLAJM/ Dita e Pavarësisë, 112-vjetori festohet edhe në Fier! Qytetarët me flamuj kuq e zi paradë në qendër të qytetit

28 Nëntor, 19:40