POP 5

Lajmet më të lexuara të 5 minutave të fundit

Ekonomi

Zbarkon FMN, Financat në 'sitë'
diskutohet mundësia e kredisë

Mbërrin në Shqipëri një delegacion me ekspertë të FMN. Rama premtoi në fushatë rikthimin. Ish-kryeministri Berisha i "përzuri" në vitin 2009. (Në foto: Ministri i Financave, Shkëlqim Cani)
Çfarë pritet nga rikthimi i FMN-së në vend?
Angjeli: Kërkohet asistencë e shpejtë
Beqja: Ndihma nga FMN e domosdoshme
Zbarkon FMN, Financat në 'sitë'<br />diskutohet mundësia e kredisë
TIRANE- Mbërrin të enjten (nesër) në Tiranë një prej misioneve më të shumëpritur të viteve të fundit, ai i Fondit Monetar Ndërkombëtar, që pritet të kalojë në “sitë” të gjithë sistemin fiskal e financiar të vendit. Sipas burimeve nga dikasteri që tashmë drejtohet nga Shkëlqim Cani, ekipi është voluminoz dhe pritet të kryejë një auditim fillestar, por në të gjitha fushat e Financave publike.

Në takime me specialistët shqiptarë do të analizohen zhvillimet e fundit makroekonomike dhe perspektiva e rritjes së ekonomisë së vendit, shifrat e inflacionit, të bilancit të pagesave, kushtet fiskale dhe kreditimi bankar. Gjithashtu, do të analizohen struktura e borxhit publik dhe parashikimet, qëndrueshmëria e borxhit, diskutimi i strategjisë së menaxhimit të borxhit, etj.

Nevojat për financim afatmesëm nga institucionet ndërkombëtare financiare dhe mënyrat për të reduktuar varësinë e qeverisë nga bankat tregtare, pritet të jenë tema të tjera të kësaj analize, sqarojnë burimet nga ministria, sipas të cilave, edhe politika për kontraktimin e borxhit të ri dhe perspektivat e rifinancimit të kredive tregtare do të jenë pjesë e analizës.

Gjatë takimeve, do të analizohet realizimi i treguesve të buxhetit për vitin 2013 dhe objektivat kryesore që do të merren parasysh në hartimin e projekt-buxhetit për vitin e ardhshëm.
 
Buxheti
Ndryshimi i treguesve fiskalë në ligjin për Buxhetin e Shtetit 2013 tashmë duket se është i pashmangshëm, në një kohë kur të ardhurat për tetë muaj nuk janë realizuar në masën e pritshme dhe shpenzimet janë tejkaluar mbi planifikimin. Ndryshimet që pritet t’i bëhen treguesve të buxhetit të këtij viti, do të kryhen brenda shtatorit. Ndërkohë, me fillimin e legjislaturës së re parlamentare pritet që të shqyrtohet edhe buxheti faktik i vitit 2012, ndërkohë që po punohet edhe për hartimin e buxhetit të vitit të ardhshëm.
 
Borxhi
Pavarësisht nga fakti që është marrë shumë borxh i brendshëm, nevojat janë të tilla që duhet marrë prapë. Ministri Cani ka firmosur për ankandin e rradhës të obligacioneve dyvjeçare,që parashikohet të kryhet më datë 23 shtator. Ankandi do të zhvillohet më datë 19 shtator dhe interesi i planifikuar do të jetë 4.90%, për shumën 2.5 miliardë lekë.
 
Rishikimi
Ndryshimi i treguesve fiskalë në ligjin për Buxhetin e Shtetit 2013 tashmë duket se është i pashmangshëm, në një kohë kur të ardhurat për tetë muaj nuk janë realizuar me shpenzime të tejkaluara. Ndryshimi pritet të kryhet brenda muajit shtator

Shkrimi u publikua sot (18.09.2013) në gazetën Shqiptarja.com (print)

Redaksia Online
(a.ç/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça