POP 5

Lajmet më të lexuara të 5 minutave të fundit

Sociale

'Zbrazet' shkolla ‘Halit Coka’ në Tiranë, 46 nxënës emigruan brenda këtij viti akademik

Numri i nxënësve në shkolla po reduktohet jo vetëm për shkak të numrit të ulët të lindjeve, por kryesisht nga emigracioni. Report Tv mori sjell rastin e shkollës “Halit Çoka” në Kamëz, aty ku vitin e fundit u larguan 46 nxënës njëherësh, të gjithë në emigracion

Rënia e numrit të lindjeve shihet nga institucionet shtetërore si faktor kryesor për rënien e numrit të nxënësve në shkolla , por a është kjo e vetmja  arsye pse po pakësohen nxënësit?

Report Tv ishte në shkollën 9-vjeçare “Halit Coka” në Kamëz të Tiranës, për të parë nga afër, pse këtu është pakësuar numri i nxënësve. Është pasojë vetëm e lindjeve më të pakta apo shkak është edhe emigracioni. Të dhënat tregojnë realitet krejt tjetër.

 “Qershor 2022- qershor 2023 janë larguar 46 nxënës në emigracion bashkë me prindërit e tyre.”

 ‘Ka nxënës në klasën time që kanë ikur jashtë shtetit.”- tha nxënësja.

Pak ditë më parë Ministria e Arsimit përmes një udhëzimi të ri, uli numrin mesatar të nxënësve për klasë nga 35 në 30, në shkolla. Ministria e motivoi udhëzimin, për cilësi dhe standarte në arsim.

Por në shkollën 9-vjeçare ‘Halit Coka’ ky udhëzim ka nisur të zbatohet pa hyrë ende në fuqi. Nxënësit tregojnë se ishin më pak se 30 vetë në klasë në vitin shkollor që sapo u përmbyll.

“25 e lartë, 27 ose 28 veta në klasë.”

Për vitin shkollor 2022-2023, një klasë e nëntë në shkollën ’ Halit Coka’ u mbyll. Vlerësimi zyrtar, nxori si shkak numrin e ulët të lindjeve, regjistrime më të pakta në klasën e parë. Të paktën zyrtarisht u tha kështu. Por nga të dhënat e siguruara në shkollë, numri i nxënësve luhatet nga viti në vit. Në 2022-2023 numri i nxënësve ishte  990 nxënës, 50 më pak se viti paraardhës. Nga 2013, në çdo paralele ka patur nga 5 klasa, që nga klasa e parë deri në të nëntën. Por 2023 si pasojë e regjistrimit më pak nxënës, një klasë u eliminua.

Tabelë:
Viti shkollor 2020-2021 numri i nxënësve ishte 1027 nxënës
Viti shkollor 2021-2022 numri i nxënësve ishte 1040 nxënës
Viti shkollor 2022-2023 numri i nxënësve është 990 nxënës

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bim: 20/07/2023 12:09

    Nqs shqiptaret do te sileshin si banoret e vendeve ku emigrojn, ky vend do te ishte shume me i mire seç eshte e pak do te emigronin. Por edhe ata qe shkojn vazhdojn e sillen si shqipo duke na e nxjerr namin e keto qe qendrojn enderrojn diçka te larget qe mund ta ken kollaj. Ato qe emigrojn shkojn e jetojn 4-5 veta ne 40m katror shtepi, pastro nje banjo e pastro nje plak kurse kur jetonin ne Shqiperi kishin pordha me rigon. Hajt nejse suksese ne emigracion

    Përgjigju
  • Shqipëria tashmë është një burg i madh: 19/07/2023 18:29

    Sistemi ka vdek, nuk gjeneron shpresë. Aty shpresa u vra e para.

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

‘Qëndroni në shtëpi’, Sarajeva në alarm nivelin e smogut, qytetarët me maska

‘Qëndroni në shtëpi’, Sarajeva në alarm nivelin e smogut, qytetarët me maska

24 Janar, 10:59