Zbulimi i varrit me 5 trupa në Përmet, Meta: Institucionet përgjegjëse të zbardhin të vërtetën! Të ekzekutuarit padrejtësisht meritojnë vendprehje dinjitoze

Zbulimi i varrit me 5 trupa në Përmet, Meta: Institucionet përgjegjëse të zbardhin të vërtetën! Të ekzekutuarit padrejtësisht meritojnë vendprehje dinjitoze

Presidenti Ilir Meta ka reaguar në lidhje me zbulimin e një  varr ku janë të varrosur 4  trupa dhe një tjetër pak më matanë në Përmet, që dyshohet se janë viktima të diktaturës komuniste. Me një postim në Facebook, Meta kërkon zbardhjen e të vërtetës, ndërsa shton se të ekzekutuarit padrejtësisht, meritojnë një vendprehje dinjitoze.

Meta thotë se krimet e diktaturës duhet të dënohen si dhe duhet të gjendet të gjitha viktimat e regjimit.

"U njoha për zbulimin në Përmet, sipas të dhënave paraprake, të një varri masiv, ku dyshohet se prehen viktima të represionit dhe terrorit të diktaturës. I nxis institucionet përgjegjëse shtetërore për zbardhjen me transparencë dhe ndriçimin e së vërtetës. Të ekzekutuarit padrejtësisht dhe martirët e pafajshëm meritojnë një vendprehje dinjitoze, respektin e plotë dhe nderimin e duhur shtetëror. Theksoj me forcë domosdoshmërinë, jo vetëm të dënimit të krimeve monstruoze të diktaturës, por edhe gjendjen e të gjitha viktimave të atij regjimi mizor, në mënyrë që shpirtrat e tyre të pushojnë në paqe duke u dhënë njëherë e mirë qetësi dhe ngushëllim familjarëve e pasardhësve të tyre, por edhe të gjithë shoqërisë", shkruan Meta.


Lajmi kryesor:

Zbulohet një varr me 5 trupa në Përmet, shoqata e ish-të përndjekurve: Mund të jenë viktima të vrarë nga komunizmi! Asnjë reagim nga institucionet


/M.Q./Shqiptarja.com
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shqiptari dhunon gruan dhe djalin e mitur në Itali

Shqiptari dhunon gruan dhe djalin e mitur në Itali