Zbulimi/ Molekula e Kaperi-t mund të vrasë koronavirusin

Një molekulë e vetme mund të mposhtë koronavirusin. Quhet Kuercetina...

Redaksia 3 Shtator 2020, 16:09 | Përditesimi: 3 Shtator 2020, 16:11

Një molekulë e vetme mund të mposhtë koronavirusin.

Quhet Kuercetina, një flavonoid i pranishëm në një larmi frutash (mollë, agrum, rrush, ullinj, manaferra), apo perime (sidomos kaperi, domate, qepë, brokoli), te pijet (çaj, verë e kuqe) dhe ekstrakte bimore.

Në natyrë nuk është e pranishme në formë të izoluar, por ndodhet si aglikon i glikozideve të ndryshme (rutin, quercitrin).

LEXO EDHE:
A është Gjermania e përgatitur për pandeminë e ardhshme?

Zbulimi i rëndësishëm, i botuar në Revistën Ndërkombëtare të Makromolekulave Biologjike, është kryer nga studiuesit e ‘Spanish Fundación hna’ në bashkëpunim me kolegë nga ‘Cnr-Nanotec’ në Cosenza, të Italisë

E njohur prej kohësh për fuqitë e saj të larta antioksiduese dhe anti-inflamatore, kjo molekulë përdoret si një shtesë dietike dhe ul aktivitetin e plakjes si dhe është antioksidant.

Falë aftësisë së saj për të frenuar fazat që çojnë në çlirimin e histaminës dhe prodhimin e prostaglandinave dhe leukotrieneve, molekula kuercetina luan një rol të rëndësishëm kundër sëmundjeve të shumta: alergjitë, ateroskleroza dhe artriti.

Tani kjo molekulë mund të provohet të jetë një armë themelore në luftën kundër Covid-19, padyshim së bashku me një vaksinë efektive.

Simulimet kompjuterike zbuluan se kjo molekulë tashmë mund të jetë në të njëjtin nivel me antiviralët më të mirë të disponueshëm kundër virusit SARS-CoV-2, asnjëri prej të cilave, megjithatë, nuk është miratuar ende si ilaç. Kuercetina, vetitë farmakokinetike të së cilës janë të njohura, është e tolerueshme nga njerëzit .

Për më tepër, falë madhësisë së vogël dhe grupeve të veçanta funksionale të pranishme në strukturën e saj kimike, ajo mund të modifikohet në mënyrë që të zhvillohet një molekulë më e fuqishme.

/Shqiptarja.com

TAG: