Zbulohen kush janë dy bashkëpunëtorët me të cilët u ndalua në Janinë 'Jorgo Toto'

Zbulohen kush janë dy bashkëpunëtorët me të cilët u ndalua në Janinë 'Jorgo Toto'

TIRANE - Më 13 janar të vitit 2003, 16 vjet më parë, Agim Kajmaku, sot kryebashkiak i Vorës, nuk është ndaluar i vetëm nga Policia greke. Me të kanë qenë edhe dy shqiptarë të tjerë, të cilët janë ndaluar nga policia e Janinës, me dyshimin për blerje fidanësh me monedha të falsifikuara.

Të ndaluarit e tjerë shqiptarë, siç Report Tv mëson, janë Roland Miftari 28 vjeç dhe Spiro Taho, 42 vjeç. Ndërkohë në atë vit, Agim Kajmaku, siç policia greke shkruan në komunikatën e saj në 2003-shin, është ndaluar me emrin Jorgo Toto, në atë kohë 32 vjeç, sot 48 vjeç.

Sipas komunikatës e cila është botuar fillimisht në median greke Ekathimerini rezulton se tre shqiptarët kanë përdorur 97 prerje false 50 euroëshe për të blerë fidanë agrumesh në qytetin e Artës në Greqi.

Sipas komunikatës së policisë greke, vlera totale e paguar ishte 12 mijë euro, por nga kjo shumë, 97 prerje 50 euroeshe (4850 euro) rezultuan të ishin false dhe janë përdorur nga tre shqiptarët për të blerë fidanët në Greqi e më pas t'i sillnin në Shqipëri.

Ishte Partia Demokratike që doli sot në një konferencë për mediat, duke publikuar një vendim të prokurorisë dhe Gjykatës së Janinës, që sipas PD-së tregon se Agim Kajmaku, me emrin Jorgo Toto është ende në kërkim nga drejtësia greke, për veprën e falsifikimit të monedhave, që siç citoi sekretari i përgjithshëm i PD-së, Gazmend Bardhi , nga drejtësia greke dënohet me 10 vjet burg.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Bardhi depoziton pr.ligjin në Kuvend: Pensioni minimal të rritet 300 € deri në 2029

Bardhi depoziton pr.ligjin në Kuvend: Pensioni minimal të rritet 300 € deri në 2029