Zbulohet fotoja e parë e Zaho
Ramës, "selfie" me  Rean e Gregun

Fëmijët e çiftit kryeministror Edi dhe Linda Rama nuk i kanë rezistuar tundimit për ta ndarë me publikun vëllain e tyre të vogël. Ditën e djeshme Gregori djali nga martesa e
parë e kryeministrit Rama dhe Rea vajza e martesës së parë të bashkëshortes së kryeministrit Linda, kanë postuar në profilin e tyre në “Facebook”, një foto me vëllain e tyre të vogël Zahon.



Në foton e postuar në “Facebook”, Rea shfaqet pranë Zahos ndërkohë që Gregu kujdeset për ushqimin e Zahos së vogël. Duket se Zaho i vogël është përshtatur shumë shpejt me vëllain dhe motrën e tij, ndërkohë që kryeministri nuk gaboi kur në konferencën për shtyp e quajti “king”. Gjithashtu Rama, nuk ngurroi as të ndante një batutë, ku
tha se kontributin më të madh e ka bashkëshortja e tij, pasi ai ka dhënëkontributinminimal.

“Për të më uruar se për të më falënderuar ti je e vogël. Koha bën çudira dhe mund të vijë dita edhe të më falenderosh por jam unë që dua t’ju falënderoj ju dhe të gjithëve për këtë ngjarje kaq të posaçme në jetën time dhe familjes time, dhe në mënyrë më të posaçme Lindën që lindi Zahon sepse unë dhashë një kontribut minimal ndërsa Linda bëri pjesën më të madhe”, theksoi Rama.

Shefi i qeverisë, do të ketë më shumë kohë të merret me djalin e tij të porsaardhur në jetë për shkak se zyrtarisht këtë të enjte parlamentarët kanë marrë pushimet për këtë verë. Rama do të ketë më shumë kohë për tu kujdesur edhe për bashkëshorten e tij, të cilën ka gjetur rastin edhe për ta falenderuar ditën e djeshme, për
sakrificat dhe kujdesin që ka pasur për sjelljen në jetë të Zahos.



Shkrimi u botua në numrin e sotëm të gazetës "Shqiptarja.com", versioni print

Redaksia Online
(xh.k/shqiptarja.com)