TIRANË - Selami Simsek, 40-vjeçari turk i ndaluar nga autoritetet shqiptare në kufi pasi donte të shkontë në Kanada me vizë të falsifikuar, ka kërkuar azil politik në shtetin shqiptar, me argumentin se në Turqi e konsiderojnë pjesëtar të lëvizjes "Gulen" dhe mund ta keqtrajtojnë.
Report Tv siguron kërkesën që ai i ka dorëzuar autoriteteve shqiptare më 8 janar.
"Sot më datë 08.01.2020 pranë IEVP Mine Peza, unë Selami Simsek, i biri i Samiut, i datëlindjes 06.08.1980, banues në Turqi, dua t'i paraqes shtetit shqiptar një kërkesë për azil. Këtë kërkesë e paraqes pranë zyrës së Kufirit dhe Migracionit Tiranë, që të fillojë procedura në emrin tim sa më shpejt të jetë e mundur për azil. Këtë kërkesë e paraqes për shkak se në Turqi, shteti mendon që unë jam anëtar i lëvizjes Gulen, dhe mendoj se atje mund t'i nënshtrohem veprime keqtrajtuese", thuhet në kërkesën për azil të shkruar në gjuhën turke, dhe më tej të përkthyer në shqip.
Pritet që për këtë kërkesë të merret një vendim nga autoritetet shqiptare, Ministria e Brendshme si institucion përgjegjës.
Selami Simsek ndodhet në paraburgim në institucionin e vuajtjes së dënimit tek "Mine Peza" numër 302, ndërsa autoritetet turke kërkojnë ekstradimin e tij në Turqi.
Në Shqipëri, 40-vjeçari turk është në proces gjyqësor, ku gjykata e Tiranës ka pranuar kërkesën e tij për gjykim të shkurtuar për falsifikim vize, që do të thotë se në rast dënimi do të përfitojë uljen e dënimit me 1/3.
Më 27 janar prokuroria pritet të japë pretencën për falsifikim të vizës kanadeze për të cilën në dëshminë e tij ka thënë se ka paguar 5 mijë euro për ta marrë, ndërsa pasaporta turke ka qenë në rregull. Simsek u ndalua 5 muaj më parë në Rinas ku kishte prerë një biletë udhëtimi drejt Torontos. Ai u arrestua bashkë me shokun e tij, mësuesin turk Harun Çelik në muajin korrik 2019. Por ky i fundit, pasi kreu dënimin tonë në vendin tonë me 5 muaj burg, u dëbua nga vendi dhe u ekstradua në Turqi pas dyshimeve dhe akuzave nga shteti turk se është gylenist.
Kerkesa per azil
Lajme të tjera
-
'Bie në rrjetë peshku i madh'... pas 2 muajsh në kërkim arrestohet në Romë Adriatik Llalla, kërkon azil politik në Itali! Burime:Komunikoi vetë me policinë italiane
13 Dhjetor 2021, 12:34
-
Biznesmeni gylenist turk kërkohet për ekstradim nga Turkmenistani, dosja në Shkodër! Muhamet Çap kërkon azil: Përndiqem politikisht
24 Maj 2021, 11:57 -
I refuzuan azilin, Gjykata Administrative rrëzon Ministrinë e Brendshme për turkun Selami Simsek
25 Shkurt 2021, 15:14 -
Iu refuzua kërkesa për azil/ Strasburgu i kërkon Shqipërisë të mos dëbojë turkun Selami Simsek deri në përfundim të gjyqit
8 Janar 2021, 19:10 -
Kërkoi azil në Shqipëri se përndiqet nga autoritetet turke, Gjykata Administrative rrëzon padinë e Selami Simsek
22 Dhjetor 2020, 12:44 -
Iu refuzua kërkesa për azil, turku Simsek kallëzon penalisht institucionet! Report Tv siguron dokumentin
28 Tetor 2020, 14:20
-
U dënua për vizë të falsifikuar dhe kërkoi azil, turkut Simsek i refuzohet aplikimi
2 Korrik 2020, 14:42 -
OKB heton qeverinë shqiptare për ekstradimet ndaj shtetasve turq Çelik e Simsek/ Dokumenti me 9 pyetjet
26 Maj 2020, 16:57 -
Gjykata e Apelit liron nga qelia 'Gylenistin'! Turku: Mos më ekstradoni, më rrezikohet jeta! Avokati: Mos shkelni ligjin e deportimit
9 Mars 2020, 14:06 -
'Gylenisti' i dyshuar kërkesë nga burgu: Mos më deportoni në Turqi, nuk dua fatin e Harun Celik
6 Mars 2020, 17:28
