TIRANE - Pas një pune intensive, strukturat e Drejtorisë së Hetimit Tatimor kanë arritur të zbulojnë një skemë mashtrimi financiar me Tatimin mbi Vlerën e Shtuar (TVSH) në sektorin e tregtisë dhe ndërtimit, me një vlerë dëmi të shkaktuar në buxhetin e shtetit rreth 1 milion dollarë. Në këtë skemë janë përfshirë një numër i konsiderueshëm subjektesh tregtare. Mes të ndaluarve nga policia, është edhe Elsa Biba, administratore e një shoqërie ndërtimi, e cila rezulton të jetë bashkëshortja e ish-ndërtuesit Vasil Biba, i vrarë në vitin 2016 në Malin e Dajtit, pasi ishte përfshirë në një skemë mashtrimi me shitjen e apartamenteve në Tiranë.
Nga ana e Gjykatës së Shkallës së Parë Tiranë, masat e sigurisë:
Masa e sigurimit arrest me burg për shtetasin Gjergj Fela 43 vjeç, administrator i subjektit “KRISTIRINA” sh.p.k.
Masa e sigurimit arrest shtëpie për shtetasen H. M, 50 vjeçe me detyrë kontabiliste.
Masa e sigurimit arrest shtëpie për shtetasen T. K, 53 vjeçe me detyrë agjente doganore.
Masa e sigurimit arrest shtëpie për shtetasen Elsa Biba, 32 vjeçe me detyrë administratore dhe ortake e vetme e shoqërisë “ARENI ALBANIA” sh.p.k.
Si funksiononte skema e mashtrimit
Sipas provave të mbledhura nga ky hetim, rezulton se shtetasit e mësipërm kanë regjistruar subjekte tregtare në mënyrë fiktive, pa asnjëlloj aktiviteti me qëllim tërheqjen e blloqeve të TVSH, duke lëshuar fatura për subjekte të treta, që më pas rimbursoheshin. Në bashkëpunim me njëri-tjetrin, ata kanë krijuar një skemë mashtrimi, duke i shkaktuar buxhetit të shtetit 1 milionë dollarë.
Ndaj të proceduarve rëndon akuza për veprat penale të “Krijimit të skemave mashtruese lidhur me Tatimin mbi Vlerën e Shtuar” dhe “Fshehja e të ardhurave” të kryera në bashkëpunim. Strukturat Hetimore, kanë krijuar dyshime të arsyeshme se skema mashtruese në fushën e ndërtimit është më e gjerë dhe për këtë arsye po vijojnë hetimet.
Mes të arrestuarve për skemën e mashtrimit 1 mln dollarë me faturat e TVSH-së, është edhe Elsa Biba, 32-vjeçe, me detyrë administratore dhe ortake e vetme e shoqërisë “ARENI ALBANIA” sh.p.k. Hetim Tatimor në Drejtorinë e Përgjithshme të Tatimeve zbuloi mashtrimin e përfaqësuesve të 4 bizneseve, Gjergj Fela 43 vjeç, administrator i subjektit “KRISTIRINA” sh.p.k, H. M, 50 vjeçe me detyrë kontabiliste dhe T. K, 53 vjeçe me detyrë agjente doganore.
Ekstrakti i QKR, Elsa Biba, administratore e shoqërisë “ARENI ALBANIA” sh.p.k
Dy vite më parë, shkurt 2016 u gjet i vrarë bashkëshorti i saj, pronar i kompanisë së ndërtimit, Vasil Biba. Ai u gjet i qëlluar me dy plumba në kokë dhe në gjendje të dekompozuar.
Biba u denoncua i zhdukur në dhjetor 2015 nga bashkëshortja e tij Elsa Biba. Ngjarja u dyshua se kishte lidhje me skemën e mashtrimit që kishte ngritur Biba, i cili shiste apartamentet më shumë se njëherë, ndërsa nuk u arrit të zbuloheshin autorët e ngjarjes. Vasil Biba ka qenë person me precedent penal, kryesisht në fushën e mashtrimit, por dhe për sa i përket detyrimeve financiare që ai ka pasur ndaj subjekteve shtetërore. Kompania e regjistruar në emër të tij, 'FELSABI' rezulton debitore te Tatimet me 639 mln lekë borxhe.
Kompania e Vasil Bibës, 'FELSABIi' debitore te Tatimet me 639 mln lekë
Dy vite më pas, me akuzën e mashtrimit përballet edhe bashkëshortja e tij, Elsa Biba, e cila pas hetimeve të Drejtorisë së Tatimeve, është lënë në masën e arrestit shtëpiak nga Gjykata e Tiranës. Drejtoria e Përgjithshme njofton gjithashtu se vijon hetimet për zbardhjen e plotë të skemës së mashtrimit dhe identifikimin e të tjerë personave të përfshirë.
Komente
Lajme të tjera
-
Veliaj: Të jesh lider i mirë duhet të dish të marrësh vendimet e duhura në momentin e duhur! Falë tyre Tirana është transformuar
17 Prill, 15:35 -
Ktheu lokalin në 'bazë’ për lojëra fati, në kërkim pronari në Kamëz
17 Prill, 13:53 -
Baza e falsifikimit të dokumenteve u zbulua nga përgjimet! Autorët bënin certifikata për tjetërsim prone e zgjerim kufiri
17 Prill, 11:46
-
Në kërkim për ekzekutimin e Briken Sanajt te Kodra e Diellit në Tiranë, autori Vladimir Kola arrestohet në Gjermani
17 Prill, 10:23 -
Pjesë e një grupi kriminal që trafikonte heroinë në Itali, arrestohet 46-vjeçari në Kavajë (EMRI)
17 Prill, 09:33 -
Qendër e re administrimi në Vaqarr, Rama: Hapësirë multifunksionale për të gjitha moshat
16 Prill, 18:11 -
Veliaj me strukturat e PS-së në Kavajë: Sot fillojmë maratonën për zgjedhjet e ardhshme, do fitojmë 5-0! Sulmet non stop ndaj Tiranës, të planifikuara
16 Prill, 17:12 -
Me konkurrentë nga e gjithë bota, Tirana Film Office përzgjidhet në listën e 5 më të mirëve
16 Prill, 14:12 -
Fondacioni italian nga Molise, mbjell ullinj autoktonë nga Termolij në Parkun Europa, Veliaj: Simbol i miqësisë mes dy vendeve tona
16 Prill, 14:05 -
Tiranë/ Zbulohet kompania që shërbente si 'bazë' për falsifikim dokumentesh! 'Klientët' paguanin deri në 5 mijë euro! Gjenden 37 vula false të institucioneve shtetërore, 3 në pranga (VIDEO)
16 Prill, 10:32
-
Zjarri në Urgjencën e QSUT-së, Prokuroria e Tiranës urdhëron riekspertim të shkaqeve, merren në pyetje dhe teknikët
16 Prill, 09:36
-
Qendër e re komunitare në Vaqarr, Veliaj: Investojmë njësoj si në qendër edhe në periferi; Dy hapësira të reja për varreza në Vaqarr dhe Petrelë
15 Prill, 22:24
Kjo eshte nje skeme mashtrimi e vjeter ,vene ne veprim qe ne kohen e qeverisjes kusaro-bandite shqup-se. Cudi,kush i i mban ende gjalle,nga administrata tatimore keto skema grabitese te parase publike????Per mua,keta jane pergjegjesit e pare qe duhet te prangosen dhe penalizohen me gjoba financiare,qe tu luj petlla.
PërgjigjuMqse merren me ndertim, konfiskojani pasurite e luajtshme dhe te paluajtshme nga 1 milion, merrini 3 milion qe te vëj mend.
Përgjigju