POP 5

Lajmet më të lexuara të 5 minutave të fundit

Kronikë

Zbulohet pakujdesia me avionin e 'Blue Panorama' që ngjalli panik mes 136 pasagjerëve

Autoriteti i i Aviacionit Civil thotë se ulja emergjente e avionit "Blue Panorama" dje në mëngjes, erdhi për shkak përhapjes së tymit dhe erës së keqe. Reagon "Blue Panorama": Avioni u ul pa ndonjë emergjencë, pasagjerët kaluan menjëherë në avion tjetër

Autoriteti i i Aviacionit Civil thotë se ulja emergjente e avionit "Blue Panorama" dje në mëngjes, erdhi për shkak përhapjes së tymit dhe erës së keqe. Gjithçka ndodhi pasi solucioni larës i motorit të avionit, proces që kryhet një ditë para nisjes, ende nuk ishte tharë plotësisht. Avioni "Blue Panorama" me 136 pasagjerë, dje bëri ulje emergjente në Rinas, ndërsa udhëtarë në këtë fluturim treguan për Report Tv, momentet e tmerrit që kaluan, mes të cilëve kishte edhe fëmijë dhe gra shtatzëna.

"Më datë 24 Shkurt 2019 avioni i kompanisë Blue Panorama, nisur nga Aeroporti Ndërkombëtar “Nënë Tereza” në orën 07.38 dhe me destinacion qytetin e Ankonas, Itali, ka bërë ulje të detyruar për shkak të konstatimit të tymit dhe një aromë të rëndë në kabinë pak pas ngritjes. Avioni është rikthyer menjëherë në Aeroport dhe është ulur pa probleme në orën 07:53.

Ekspertët e operimit ajror të Autoritetit të Aviacionit Civil, bënë mbikqyrjen nga afër të punës së teknikeve të avionit për gjetjen e shkaqeve të kësaj ngjarje pas uljes. Nga raportimet paraprake dyshohet që për shkak të larjes së motorit si pjesë e mirëmbajtjes së programuar një ditë më parë, solucioni i larjes nuk ishte tharë tërësisht, çka ka sjellë edhe tymin dhe erën e rëndë në momentin e ndezjes dhe nisjes.

Në bazë të rregulloreve evropiane, të cilave u referohen dhe autoritetet shqiptare gjatë punës së tyre mbikqyrëse, raporti i ngjarjes, ndërmarrë nga vetë kompania brenda 72 orëve, do t’i dërgohet palës italiane si autoriteti certifikues i kompanisë për të ndjekur hapat e nevojshme.

136 pasagjerët e linjës janë sistemuar në një avion tjetër i cili u nis nga Tirana në orën 10:00 dhe mbërriti në Ankona në 11:56",- përfundon njoftimi i Autoritetit të Aviacionit Civil.

Edhe vetë kompania "Blue Panorama" ka bërë një reagim zyrtar për incidentin ajror ku thotë se avioni është ulur pak minuta pas nisjes, pa ndonjë emergjencë, për kontrolle teknike, në të njëjtin aeroport të nisjes, në Rinas. "Pasagjerët u dërguan menjëherë në një avion tjetër, Boeing 737-800, i cili u ngrit në fluturim në orën 09:50 dhe ka mbërritur në Ankona në 11:05", thuhet në njoftim.

"Blue Panorama" sqaron se kthimi në aeroportin e Rinasit i avionit që pësoi defekt, ndodhi për shkak të aromave dhe avujve të shkaktuara nga mbetjet e solucionit (detergjentit) të përdorur për të larë motorët. Avioni filloi fluturimet e tij normale, pas 4 orësh nga kryerja e kontrolleve - thotë kompania "Blue Panorama".

 

 

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Teknik Avioni: 25/02/2019 23:34

    Une jam nje ish teknik avioni ushtarak nga Kuçova, dhe kam punuardhe ne albania airway, pra kam trenerime per kto pune. E para njehere nuk ka pse aviacioni civil thot qe dergoi ekip per te verifikuar punen e teknikeve te avionit? Ç'ne te kontrolloj? Ke teknike? Ata jane ne Itali se aty e kane qendren. Pse genjejne? Turp nuk duhet genjyer, pastaj kush e lan aeroplanin ? Lavazhier apo kompani qe punon ne aeroport se nrqs rshte keshtu ata duhet te kene liçense nga aviacioni civil perndryshe organet e hetimit ligj zbatues duhet te hapin hetim. Nuk behet shaka me njerzit, ç'thone solucioni me?? Ai ben hatane nws nuk eshte i kontrolluar. Nuk eshte shasi makine por motora avioni dhe per me teper eshte berw ne shqiperi..Turp qe sthone te verteten

    Përgjigju
  • Anonim: 25/02/2019 22:09

    Po jam nje teknik avioni nga Kuçova dhe kam punuar dhe ne Kompani ajrore Civile dhe i traneruar. Po pse duhet qe specialistet shqiptar te kontrollojne punen teknike? Ata vetem konstatojne ca eshte bere. Kaq thjesht e merni kte njoftim te autoritetit te aviacionkt civil qe thjesht larje motorresh? Nuk mendoj dhe besoj qe te kete njeri ne kete bote te ri duarkryq me kte fakt. Solucioni? Po çduhet me shume nga Organet qe zbatojne ligjin te hetojne kte ngjarje? Kush e ben larjen se aeroporti i tiranes nuk e ben! Ata duhet dalin me deklarim qe te perjashtojne veten e tyre. A ka dhene licence aviacioni civil per ate kompani qe ben larjen ? Solucioni qe perdoret? Ore ne ne ushtri benim kontroll te imtesishem te karburantit qe perdornim po kshu behet dhe me aeroplanet ccivile se nje pike uje ne vajgur ben hatane. Vallai nuk e kuptoj si meret kaq let kjo ngjarje. Zaten kur ndodh e keqja kujtohemi ne shqiptaret.

    Përgjigju
  • Kucove: 25/02/2019 13:49

    Po cleshje kan motoret me gabinen motoret jan jasht gabines sistemi ajrimir nuk kryet me motorret e jashtem futjani kot un jam vet pilot

    Përgjigju
    • kurkushi: 25/02/2019 23:24

      e vertete ja fusin kot.motoret jane jashte bordit

  • Aero: 25/02/2019 08:46

    Po po e gjetët shkakun.. Plehra tregoni të verëtetën.

    Përgjigju
  • Bujari i LSI: 25/02/2019 08:25

    Bravo ju qofte institucion serioz.

    Përgjigju
  • Santa Quaranta: 25/02/2019 08:09

    Nuk ishte thare me gjithe ate ere murlani qe ka qene ??!!

    Përgjigju
  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06