Arben Frroku i arrestuar nga policia hollandeze si person i kërkuar nga autoritetet shqiptare për vrasjen e kryekomisar Dritan Lamajt, ka përdorur pasaportën e një emigranti nga Korça. Një fakt i tillë konfirmohet nga të dhënat e regjistrit kombëtar të gjendjes civile.

Renato Cepa, rezulton të jetë i regjistruar me banim në qytetin e Korçës. Sipas të njëjtit burim informacioni, Cepa, banon në lagjen nr.3 në këtë qytet, në rrugën “Nesti Dishnica”, nr.6. Cepa rezulton të jetë i martuar dhe ka tre fëmijë. Po kështu edhe të dhënat e tjera në pasaportën Frrokut janë të njëjta me atë të emigrantit, përveç fotos. Cepa rezulton të ketë lindur me 15 nëntor të vitit 1967, dhe është regjistruar si minoritar grek. Dyshimet janë se Frroku mund të ketë vjedhur apo blerë pasaportën ndërsa më pas asaj i është ndërruar fotoja. 

Me këtë pasaportë, Frroku, u ndalua nga autoritet policore hollandeze, të cilët konfirmuan se pasaporta ishte e falsifikuar. Pas marrjes së informacioneve se Frroku mund të ishte ndaluar në Hollandë, oficerët e Interpolit, kërkuan informacion nga Interpoli në Hagë, nëse ishte ndaluar ndonjë person me emrin Arben Frroku. Por hollandezët u përgjigjën me datë 27 prill se nuk kishte asnjë informacion në lidhje me arrestimin e një personi me këtë emër.

Sipas informacionit të administruar nga Policia, gjurmët e gishtërinjve të Frrokut në sistemin e Interpolit, nuk mund të krahasoheshin nga sistemi kombëtar në Holandë. Për këtë shkak është dërguar dosje me të dhënat dhe gjurmët përkatëse në mënyrë të posaçme nga policia shqiptare. Të dhënat janë verifikuar me datë 28 prill, pasi data 27 rezultonte ditë pushimi në Holandë.

Pasditen e 28 prillit, vjen informacioni se në orën 17: 15 se të dhënat përputheshin me ato të personit të ndaluar. Në të njëjtin emeil është kërkuar edhe që të dërgohej dosja me të dhënat përkatëse me qëllim ekstradimin e tij drejt Shqipërisë. Në orën 19:12, po të datës 28 prill Interpol Haga konfirmoi se Frroku ishte arrestuar atë ditë me qëllim ekstradimi drejt Shqipërisë dhe jo më parë.

E-mailet mes dy interpoleve
Me këtë pasaportë, Frroku, u ndalua nga autorietet policore holandeze, të cilët konfirmuan se pasaporta ishte e falsifikuar. Pas marrjes së informacioneve se Frroku mund të ishte ndaluar në Hollandë, oficerët e Interpolit, kërkuan informacion nga Interpoli në Hagë, nëse ishte ndaluar ndonjë person me emrin Arben Frroku. Por hollandezët u përgjigjën me datë 27 prill se nuk kishte asnjë informacion në lidhje me arrestimin e një personi me këtë emër. Sipas informacionit të administruar nga Policia, por se gjurmët e gishtërinjve të Frrokut në sistemin e Interpolit, nuk mund të krahasoheshin nga sistemi kombëtar në Holandë.

Për këtë shkak është dërguar dosje me të dhënat dhe gjurmët përkatëse në mënyrë të posaçme nga policia shqiptare. Të dhënat janë verifikuar me datë 28 prill, pasi data 27 rezultonte ditë pushimi në Holandë. Pasditen e 28 prillit, informacion në orën 17: 15 se të dhënat përputheshin me ato të personit të ndaluar. Në të njëjtin e-mail është kërkuar edhe që të dërgohej dosja me të dhënat përkatëse me qëllim ekstradimin e tij drejt Shqipërisë. Në orën 19:12, po të datës 28 prill Interpol Haga konfirmoi se Frroku ishte arrestuar atë ditë me qëllim ekstradimi drejt Shqipërisë dhe jo më parë.

Më datë 28 prill 2016 i është dërguar përsëri Interpol Hagës, një e-mail kujtesë për kthimin e një përgjigje. Po këtë datë, rreth orës 17:15 nga Interpol Haga autoritet shqiptare janë informuar se nga krahasimi i gjurmëve të dërguar nga ana e tyre (gjurmët e Arben Frroku), kanë rezultuar të ishin identike me gjurmët e një shtetasi të arrestuar atje me dokument (pasaportë) greke të falsifikuar, me gjeneralitetet Renato TSEPA, lindur në Korçë. Në të këtë e-mail kanë kërkuar edhe dërgimin e materialeve për ekstradim, në rrugë diplomatike (të përkthyera në Anglisht dhe Hollandisht).Menjëherë iu përcoll kjo kërkesë dhe njoftim Ministrisë së Drejtësisë dhe Prokurorisë së Përgjithshme. Nga ana e Interpol Tiranës me qëllim verifikimin e informacioneve mbi ndalimin e këtij shtetasi, dhe mosinformimin e ZQK Interpol Tirana, në kohë, iu kërkuar Interpol Hagës në mënyrë urgjente informacion i detajuar. Nga Interpol Haga më datën 28 prill ora 19:12 është kthyer përgjigje ku njoftonte:“Data e arrestit dhe ndalimit për llogari të ekstradimit drejt vendit tonë është 28.04.2016. Më parë ky shtetas nuk është arrestuar për llogari të autoriteteve shqiptare”.




pasaporta e frrokut me logo
(Pasaporta false e Frrokut)

Redaksia online
(u.s/shqiptarja.com)