Garda Civile, në kuadër të operacionit “Maraguan”, ka zbuluar një qendër  prodhimi dhe magazinimi të marijuanës në qytetin La Zubia, ku janë sekuestruar më shumë se 32 kilogramë të kësaj lënde narkotike dhe 395 bimë kanabis sativa.

Tre shtetas shqiptarë të moshës 29 deri në 35 vjeç janë arrestuar si autorë të dyshuar të kultivimit dhe prodhimit të lëndëve narkotike. Ata gjithashtu akuzohen për vjedhje të energjisë elektrike.

Sipas mediave të huaja, ky operacion është rezultat i një tjetër operacioni më 30 nëntor 2024. Policia zbuloi një qendër të prodhimit të marijuanës në qytetin La Zubia, ku u gjetën 191 bimë kanabis sativa që ishin gati për korrje dhe 17 kilogramë marihuanë gati për shitje.

Pas arrestimit të një shtetasi lituanez, hetuesit e Gardës Civile të La Zubia zbuluan se ekzistonte një shtëpi tjetër në të cilën ata kultivonin kanabis sativa, i gjithë prodhimi i së cilës do të shkonte në vendet e Europës veriore.

Agjentët filluan të monitorojnë në mënyrë diskrete shtëpinë. Gjatë kontrollit, Garda Civile zbuloi se në shtëpi banonin tre shqiptarë dhe bodrumin e kishin pajisur me gjithçka që ishte e nevojshme për kultivimin “indoor” të kanabis sativa.

Në bodrum agjentët zbuluan një plantacion me 395 bimë kanabis sativa në proces tharjeje dhe 32 kilogramë marijuanë tashmë gati për shitje.

Tre të arrestuarit janë dërguar në burgun e Albolote në pritje të masës së sigurisë.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Janar, 22:17

    Si e menaxhoi qeveria situatën e përmbytjeve?

Lajme të tjera