Zbuloni ushqimet që ndihmojnë në uljen e sheqerit në gjak!

Rritja e sheqerit në gjak (hiperglicemia) mund të shkaktojë pasoja të rënda shëndetësore, përfshirë diabetin dhe sëmundjet kardiovaskulare.

Prandaj, është e rëndësishme të mbani nivelet e sheqerit brenda kufijve normalë. Ja gjashtë ushqime që mund të ndihmojnë në uljen natyrale të sheqerit në gjak:

Kanella

Kanella është e njohur për aftësinë e saj për të përmirësuar ndjeshmërinë ndaj insulinës dhe për të ulur nivelet e sheqerit në gjak. Mund ta shtoni në smoothie, drithëra ose kafe për një shije të këndshme dhe përfitime shëndetësore.

Spinaqi

Ky perim është i pasur me vitamina dhe minerale, duke pasur një indeks të ulët glicemik, që ndihmon në ruajtjen e niveleve të stabilizuara të sheqerit. Shtoni spinaq në sallata, smoothie ose zierje për një ushqim të shëndetshëm.

Avokado

I njohur si superushqim, avokado është i pasur me yndyrna të mira dhe fibra. Këto përbërës ndihmojnë në rregullimin e niveleve të sheqerit dhe ju bëjnë të ndiheni të ngopur për më gjatë, duke reduktuar dëshirat për ushqime që rrisin sheqerin.

Boronica

Këto fruta janë të pasura me antioksidantë dhe ndihmojnë në reduktimin e inflamacionit. Hulumtimet tregojnë se boronicat përmirësojnë rregullimin e sheqerit në gjak. Ato mund të konsumohen si meze ose të shtohen në drithëra dhe kos.

Tërshërë

E pasur me fibra të tretshme, tërshëra ndihmon në ngadalësimin e përthithjes së sheqernave nga zorrët, duke reduktuar kështu nivelet e sheqerit. Filloni ditën me një tas tërshërë dhe shtoni fruta për shije dhe lëndë ushqyese.

Kakao

Pluhuri i kakaos pa sheqer ka treguar efekte pozitive në nivelet e sheqerit në gjak. Flavonoidet në kakao ndihmojnë në përmirësimin e ndjeshmërisë ndaj insulinës. Mund ta shtoni në smoothies ose të bëni çokollatë të nxehtë me qumësht bimore.

Dieta e shëndetshme është një mjet i fuqishëm për menaxhimin e niveleve të sheqerit në gjak. Duke përfshirë këto ushqime në dietën tuaj, mund të ndihmoni trupin tuaj të rregullojë nivelet e sheqerit dhe të promovoni shëndetin e përgjithshëm. Konsultohuni gjithmonë me një mjek ose dietolog për këshilla të personalizuara, dhe mos harroni se një jetë e shëndetshme kombinohet më së miri me aktivitet fizik të rregullt.

SI.E./Shqiptarja.com

TAG:
• diabeti