TIRANË- Zëdhënësja e Partisë Demokratike, Mirela Karabina ka bërë një deklaratë lidhur me ish-kryeministrin Sali Berisha, për të cilin thotë se duhet të shkojë dhe të përballet me drejtësinë e mos të fshihet si struci. Ky reagim i Karabinës vjen pasi Sali Berisha sulmoi Lulzim Bashën se mbahet nga Rama si shpifësh arash. Karabina thotë se Berisha duhet të shkojë në gjykatë dhe jo të përdorë demokratët si mburojë, siç bën Hamasi me civilët, duke e krahasuar me luftën.
“Sali Berisha bën mirë të shkojë të përballet me drejtësinë dhe mos të fshihet si struci. Të shkojë të provojë së është i pafajshëm dhe mos përdorë demokratët si mburojë, njësoj siç bën Hamasi”, shkruan Karabina.
Karabina thotë se për hallet e tij personale dhe të familjes së tij, Berisha po mundohet të dëmtojë PD.
![](https://shqiptarja.com/template/img/NO_ALFA_Kuadrate shqiptarja.png)
“Sali Berisha është sot person i padëshiruar në SHBA dhe Britani të Madhe. Për hallin e tij personal ka dy vjet që së bashku me Edi Ramën, mundohet të dëmtojë PD-në, në këmbim të kullave të familjarëve të tij. Hallet dhe makthet e non gratës nuk i zgjidh dhe as do t’i zgjidhë me mashtrim të gatuar në kazanin e përbashkët me Edi Ramën dhe të servirura në mediat e paguara me paratë e krimit dhe të korrupsionit”, shkruan Karabina.
Kujtojmë që Sali Berisha ka refuzuar të shkojë të paraqitet në Gjykatë për masën e sigurisë ‘detyrim paraqitje’ për çështjen ‘Partizani’.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)