Zelensky flet në Asamblenë Kombëtare të Francës: Na ndihmoni t'i japim fund kësaj lufte kundër lirisë, barazisë dhe vëllazërisë

Presidenti ukrainas Volodymyr Zelensky ka mbajtur një fjalim online në Asamblenë Kombëtare të Francës.

“Franca duhet të ndihmojë Ukrainën për t'i dhënë fund kësaj "lufte kundër lirisë, barazisë dhe vëllazërisë", tha presidenti ukrainas, Volodymyr Zelensky, duke përmendur tre vlerat themelore të Re'publique para parlamentit francez.

LEXO EDHE:
Norvegjia mbyll kufijtë për turistët rusë

Presidenti ukrainas denoncoi krimet e luftës kundër ushtrisë ruse. Më pas ai u kthye duke kërkuar "mbështetje më të madhe" nga Franca dhe Evropa në mënyrë që "liria të mos humbasë" këtë luftë kundër Rusisë së Vladimir Putinit.

“Pas disa javësh pushtimi dhe sulmi, Mariupol dhe disa qytete të tjera ukrainase të prekura nga agresioni rus pothuajse të kujtojnë Verdunin në Luftën e Parë Botërore”. Kështu deklaroi presidenti ukrainas Volodymyr Zelensky, duke folur në Parlamentin francez.

 "Ka një analogji, ushtria ruse nuk i dallon objektet e shënjestruar, gjithçka është shkatërruar: lagje banimi, spitale, shkolla. Ata djegin dyqanet e mallrave, djegin gjithçka në horizont," shtoi ai.

Zelensky ka falënderuar presidentin francez Emmanuel Macron për mbështetjen që i ka treguar për Ukrainën.

“Ne jemi shumë mirënjohës për përpjekjet e presidentit Macron, i cili ka treguar lidership të vërtetë.Ne presim nga Franca, nga udhëheqja juaj, rivendosjen e integritetit territorial të Ukrainës”, tha iai.

Lajmi kryesor:

Vritet një gazetare ruse në Kiev! Zelensky-Biden: Jo sanksione për Abramovich, ai mund të ndërmjetësojë! Putin-Europës: Nëse doni gaz, paguani vetëm me rubla

SI.E./Shqiptarja.com

TAG:
• ukraine
• Rusi
• rusia sulmon ukrainen